Emery អស់សង្ឃឹមនឹងក្លឹបមិនអាចធ្វើរឿងធំមួយសម្រាប់គ្រូបង្វឹក និង អ្នកគាំទ្រ Arsenal

2019-06-02 05:05:00
ចំនួនមតិ 0 | ចំនួនចែករំលែក 0

ចន្លោះមិនឃើញ

Unai Emery ចង់ដឹកនាំការផ្លាស់ប្ដូរមួយសម្រាប់ Arsenal ប៉ុន្តែវាមានភាពស្មុគស្មាញដោយសារថវិកាមានកំណត់ ដែលក្លឹបមាននាបច្ចុប្បន្ន ជាពិសេសមានលុយមិនគ្រប់សម្រាប់ការផ្ទេរធំៗ។

Daily Star បានរាយការណ៍ថាក្រោយបរាជ័យធ្ងន់ធ្ងរនៅ Europa League គ្រូបង្វឹកសញ្ជាតិអេស្ប៉ាញបានដាក់សំណើទៅក្រុមប្រឹក្សាភិបាលថាលោកចង់ចុះហត្ថលេខាផ្លាស់ប្តូរកីឡាករនាទីផ្សារដោះដូររដូវក្ដៅនេះ។

ប៉ុន្តែថវិកាមានកម្រិត នឹងក្លាយទៅជាបន្ទុកដ៏ធ្ងន់ដែល Arsenal ពិបាកនឹងប្រជែងយកកីឡាករល្អៗនឹងគេណាស់។ ប៉ុន្តែកីឡាករថ្មីអាចចូលក្នុងក្រុមបាន លុះត្រាណាតែក្លឹបត្រូវលក់កីឡាករចាស់ចេញដើម្បីមានលុយបង្វិលប៉ុណ្ណោះ។ ប្រភពខាងលើបន្ត។

ឈ្មោះកីឡាករដំបូងដែលនឹងអាចចាកចេញពីទឹកដី Emirates គឺ Özil ដោយសារតែកីឡាករអាល្លឺម៉ង់មានប្រាក់ខែខ្ពស់បំផុតនៅក្នុងក្រុមកាំភ្លើងធំ។

Arsene Wenger គ្រូបង្វឹកដែលមានខួរក្បាលបែបសេដ្ឋកិច្ច ទើបអាចឈរជើងបានជាង២ទសវត្ស

មិនចម្លែកទេសម្រាប់ Arsenal ដែលជាក្លឹបគិតពីចំណូល និង មិនសូវចង់ចំណាយ។ រំលឹកទៅដល់ពេលវេលាដែល Arsene Wenger ដឹកនាំ Arsenal ២២ឆ្នាំ ជាគ្រូបង្វឹកដឹកនាំក្លឹបមួយយូរជាងគេនៅ Premier League លោកជា គ្រូបង្វឹកដែលមានខួរក្បាលបែបសេដ្ឋកិច្ច ព្រោះធ្លាប់បញ្ចប់ថ្នាក់អនុបណ្ឌិតសេដ្ឋកិច្ចមុនមកប្រលូកវិស័យបាល់ទាត់។

Wenger ល្បីខាងពូកែបណ្ដុះយុវជន ឬទិញកីឡាករចូលមកធូរៗថ្លៃ តែបញ្ចេញទៅវិញតម្លៃហក់ឡើងកប់ពពក។ របាយការណ៍មួយទៀតរបស់ Transfermarket ស្តីពីការចំណាយសម្រាប់ទីផ្សារដោះដូរកីឡាកររបស់ក្លឹបនៅអង់គ្លេសរយៈពេល២០ឆ្នាំចុងក្រោយដោយគិតចាប់ពីឆ្នាំ ១៩៩៧ ដល់ ២០១៦ បានបង្ហាញថា Wenger មិនដែលចាយលើសពី ២០០ លានផោនក្នុង១ឆ្នាំឡើយ។

អាចថា នេះក៏ជាមូលហេតុមួយដែល Arsene Wenger អាចនៅ Arsenal ជាង២ទសវត្ស ព្រោះថា មិនងាយឡើយដែលក្លឹបទទួលបានគ្រូបង្វឹក ដែលពូកែទាំងយុទ្ធសាស្ត្រលើសមរភូមិវាលស្មៅ ទាំងយុទ្ធសាស្ត្រហិរញ្ញវត្ថុ សម្រាប់ជួយអភិវឌ្ឍឧស្សាហកម្មបាល់ទាត់របស់ក្លឹប។

ប៉ុន្តែ ការចាញ់ផ្ទួនៗ ស្របពេលដែលក្រុមអ្នកគាំទ្របានលើកបដា "Wenger Out” គឺជាមូលហេតុបង្ខំឲ្យម្ចាស់ក្លឹប ហើយនិងគ្រូបង្វឹកចាស់វស្សាត្រូវតែទទួលយកទោះចង់ ឬមិនចង់ក៏ដោយ៕

អាន៖ រឿងរ៉ាវ៧យ៉ាង ដែលអ្នកគួរដឹងអំពី Arsene Wenger

អាន៖ Pep Guardiola ប្រើឃ្លាចាក់ដោតឲ្យតាបារាំងយកទៅគិត

ប្រភព៖ Besoccer ប្រែសម្រួល៖ សុខ លាងហ៊ត