5G មិនទាន់បានប្រើផង តែ Samsung សម្ងំអភិវឌ្ឍប្រព័ន្ធ 6G បណ្តើរៗហើយ

2019-06-06 01:31:30
ចំនួនមតិ 0 | ចំនួនចែករំលែក 0

ចន្លោះមិនឃើញ

សព្វថ្ងៃប្រព័ន្ធ 5G ក៏កំពុងត្រៀមខ្លួនរួចជាស្រេចក្នុងការពង្រាយឲ្យប្រើប្រាស់ទូទាំងសកលលោក ស្របពេលមានស្មាតហ្វូនមិនច្រើនម៉ូឌែលនោះទេដែលអាចគាំទ្រការប្រើប្រាស់អ៊ីនធឺណិតល្បឿនលឿនមួយនេះ។

យ៉ាងណាមិញតាមការប្រកាសជាសាធារណៈចុងក្រោយបង្អស់បានឲ្យដឹងថាក្រុមហ៊ុនយក្សកូរ៉េខាងត្បូង Samsung បាននឹងកំពុងអភិវឌ្ឍប្រព័ន្ធ 6G ជាបណ្តើរៗហើយ ដោយគម្រោងនេះស្ថិតក្រោមប្រតិបត្តិការនៃ Samsung Research។

មិនត្រឹមតែសិក្សាលម្អិតពី 6G មួយទៀតសោតក្រុមហ៊ុនក៏នឹងអភិវឌ្ឍលើប្រព័ន្ធ AI និងមនុស្សយន្តថែមទៀតផងដែរ។ ចំពោះការដាក់ឲ្យប្រើប្រាស់ 6G នឹងមិនរំពឹងអាចធ្វើទៅបាននៅឆ្នាំបន្ទាប់ឬពីរឆ្នាំខាងមុខឡើយ ព្រោះតាមការព្យាករណ៍ដរាបណាមានការសាយភាយឲ្យប្រើប្រាស់ 5G ធំទូលាយសិន សឹមឈានដល់ការវិវត្តចូលប្រើប្រាស់ជំហានបន្ទាប់។