លោកត្រាំដាក់មួយឃ្លាឲ្យជប៉ុន មុនកិច្ចប្រជុំកំពូលG20ចូលមកដល់

2019-06-27 02:59:54
ចំនួនមតិ 0 | ចំនួនចែករំលែក 0

ចន្លោះមិនឃើញ

ប្រធានាធិបតីអាម៉េរិក លោក ដូណាល់ ត្រាំ លើកឡើងថាប្រសិនបើមានការវាយប្រហារយោធាណាមួយលើប្រទេសជប៉ុននោះអាម៉េរិកនឹងជួយអស់ពីកម្លាំងកាយចិត្ត តែប្រសិនបើអាម៉េរិកត្រូវវាយប្រហារវិញជប៉ុនមិនចាំបាច់ជួយទេ ដោយគ្រាន់តែមើលតាមទូរទស្សន៍បានហើយ។

(លោកត្រាំ ពេលចេញដំណើរទៅប្រទេសជប៉ុនសម្រាប់កិច្ចប្រជុំកំពូលG20/រូបភាព៖ Twitter លោកត្រាំ)

ការលើឡើងរបស់លោកត្រាំហាក់បានរិះគន់ទៅលើប្រទេសជប៉ុនដែលបានពឹងកម្លាំងអាម៉េរិកដើម្បីការពារខ្លួន។ មិនត្រឹមជប៉ុនទេ លោកត្រាំក៏បានលើកឡើងដែរថាប្រទេសជាច្រើនទៀតបានទាញប្រយោជន៍ពីអាម៉េរិក។ ការលើកឡើងនេះធ្វើឡើងតែបន្តិចមុនកិច្ចប្រជុំកំពូលG20នៅប្រទេសជប៉ុន។

លោកត្រាំថ្លែងថា៖ «បើសិនជាប៉ុនត្រូវគេវាយប្រហារយើងនឹងប្រយុទ្ធជាសង្គ្រាមលោកលើកទី៣ ដោយកម្លាំង និងធនធានរបស់យើង ហើយប្រសិនបើអាម៉េរិកត្រូវគេវាយប្រហារវិញ ជប៉ុនមិនចាំបាច់ត្រូវតែជួយនោះទេ គ្រាន់តែអង្គុយមើលតាមទូរទស្សន៍សSony ទៅបានហើយ ថាមានការវាយប្រហារ»។

សហរដ្ឋអាម៉េរិក និងជប៉ុនមានចំណងយោធា និងការទូតយ៉ាងជិតស្និទ្ធជាង៧០ឆ្នាំ មកហើយ។ ប្រទេសទាំងពីរបានចុះហេត្ថលេខាដំបូងនៅឆ្នាំ១៩៥១ និងចុះជាថ្មីម្ដងទៀតនៅឆ្នាំ១៩៦០ ទាក់ទងនឹងកិច្ចសហប្រតិបត្តិការសន្តិសុខរវាងអាម៉េរិក និងជប៉ុន។

ទោះបែបនេះក្ដីលោកត្រាំតែងជំរុញឲ្យជប៉ុន និងប្រទេសអាស៊ីខាងកើតផ្សេងទៀតទិញអាវុធពីអាម៉េរិកដើម្បីការពារខ្លួនឯងពីការគំរាមកំហែងរបស់កូរ៉េខាងជើង៕

ប្រភព៖ CNN ប្រែសម្រួល៖ ទូច សុខា