ពេញចិត្តអត់? Concept ថ្មីនៃ MacBook Pro ទំហំ ១៦ អ៊ីញ ប្រើសុទ្ធតែ Face ID

2019-07-01 01:52:20
ចំនួនមតិ 0 | ចំនួនចែករំលែក 0

ចន្លោះមិនឃើញ

EverythingApplePro ដែលជាគណនីល្បីឈ្មោះនៅលើគេហទំព័រ YouTube បានចេញផ្សាយនូវវីដេអូ Concept ថ្មីនៃរចនាបថគំរូ MacBook Pro ប្រភេទអេក្រង់ទំហំ ១៦ អ៊ីញដែលមិនធ្លាប់មានក្នុងត្រកូលនៃកុំព្យូទ័រយួរដៃរបស់ Apple។

ត្បិតមិនទាន់មានព័ត៌មានជាក់លាក់ណាមួយជុំវិញ MacBook Pro ជំនាន់ក្រោយ ប៉ុន្តែតាមការជឿជាក់ពីប្រភពក្រុមការងារ EverythingApplePro បានព្យាករណ៍ថា MacBook Pro អេក្រង់ ១៦ អ៊ីញនឹងមានរាងស្តើង ជាមួយការគាំទ្រនូវមុខងារស្កេនផ្ទៃមុខដោះសោរឧបករណ៍ Face ID។

ខណៈចំហៀងឆ្វេងស្តាំសងខាង បំពាក់នូវរន្ធបញ្ចេញសំឡេង (Speaker) ធំៗផ្ទួនគ្នាស្រដៀងនឹងការរចនាលើជំនាន់មុន បន្សំរន្ធដោត USB-C ដល់ទៅ ៦ សម្រាប់ការប្រើប្រាស់។

ទស្សនាវីដេអូខាងក្រោម៖

បញ្ជាក់តាមអ្នកវិភាគរបស់ IHS Markit លោក Jeff Lin បានរំពឹងថា MacBook Pro ១៦ អ៊ីញនឹងប្រើប្រាស់អេក្រង់ TFT LCD កម្រិតបង្ហាញ ៣ ០៧២ x ១ ៩២០ ភីកសែល ខណៈប្រភពខ្លះទៀតជឿជាក់ថាប្រើប្រាស់អេក្រង់ OLED។ យ៉ាងណាមិញគ្រប់យ៉ាងយើងនឹងបានឃើញជាក់ច្បាស់ក្នុងការបង្ហាញខ្លួននាចុងឆ្នាំ ២០១៩ នេះ។