តួលេខស្មាតហ្វូន 5G នឹងផ្តួលសេរ៊ីចាស់ 4G ត្រឹមឆ្នាំ ២០២៣

2019-07-02 03:09:13
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមហ៊ុន Canalys បានចេញរបាយការណ៍ព្យាករណ៍ពីតួលេខស្មាតហ្វូន 5G នៅលើទីផ្សារសកលលោក ដែលថានឹងអាចផ្តួលសេរ៊ី 4G ត្រឹមឆ្នាំ ២០២៣ ពោលជារួមនឹងមានការដឹកជញ្ជូនចេញប្រមាណ ១,៩ ពាន់លានគ្រឿងដែលសុទ្ធសឹងជាស្មាតហ្វូនដំណើរការប្រព័ន្ធ 5G។

នៅឆ្នាំ ២០២៣ នោះដែរ ស្មាតហ្វូនប្រើ 4G នឹងធ្លាក់មកក្រោម ៥០ ភាគរយ ខណៈស្មាតហ្វូនប្រើប្រាស់ 5G នឹងអាចក្តោបក្តាប់ទីផ្សារប្រមាណ ៥១,៤ ភាគរយ ដោយនៅប្រទេសចិនរំពឹងយកបាន ៣៤ ភាគរយ តាមដោយអាមេរិកខាងជើង ១៨,៨ ភាគរយ និងអាស៊ីប៉ាស៊ីហ្វិចចំនួន ១៧,៤ ភាគរយបន្ថែមទៀត។

ប្រភពបានសង្កត់ធ្ងន់ថារដ្ឋាភិបាលនៃបណ្តាប្រទេសនីមួយៗក៏កំពុងខិតខំយ៉ាងសកម្មក្នុងការជំរុញឲ្យប្រព័ន្ធ 5G មានការរីកដុះដាលធំទូលាយ ជាលទ្ធផលនៅដើមឆ្នាំ ២០២០ តាមការព្យាករណ៍ក្នុងប្រទេសចិន អាចនឹងក្តោបក្តោប់ទីផ្សារស្មាតហ្វូន 5G ប្រមាណ ១៧,៥ ភាគរយនៃទំហំសរុបលើសកលលោក៕

អានអត្ថបទ:

ប្រភព៖ GSMarena ប្រែសម្រួល៖ កៅ រក្សា