នេះអាចជា ស្មាតហ្វូនកាមេរ៉ារង្វង់ដំបូងរបស់ Huawei

2019-07-05 01:36:44
ចំនួនមតិ 0 | ចំនួនចែករំលែក 0

ចន្លោះមិនឃើញ

កាលពីពេលថ្មីៗនេះ បន្ទាប់ពីក្រុមហ៊ុន Huawei ទទួលបានភ្លើងខៀវ(បើកផ្លូវ) ពីសហរដ្ឋអាមេរិកវិញ ស្រាប់តែគេប្រទៈឃើញរូបភាព render ជាច្រើននិយាយពីម៉ូឌែល Mate 30 ជាស្រឡាយធុនកណ្ដាលមួយរបស់ Huawei។

ស៊េរីស្មាតហ្វូនដែលលក់ដាច់ខ្លាំងជាងគេនៅចិននេះ ត្រូវបានអ្នកលេងបណ្ដាញសង្គមចិន Weibo ចែកចាយព្រោងព្រាត ថាវាអាចនឹងត្រូវបានក្រុមហ៊ុន ប្ដូររូបរាងពីកាមេរ៉ាខាងការេ ទៅជាកាមេរ៉ាក្រោយរាងរង្វង់ ៤ គ្រាប់វិញ។

តាមរយៈរូបភាពទាំងនោះ គេនៅមិនទាន់ប្រាកដជាក់ថា ជា Mate 30 ឬ Mate 30 Pro យ៉ាងណាទេ ប៉ុន្តែឡេន Leica ដែលជាចំណែកធំជួយឲ្យស្មាតហ្វូន Huawei ជោគជ័យខ្លាំងមកដល់ពេលនេះ គឺនៅតែបន្តមានវត្តមានលើកំពូលស្មាតហ្វូនទាំងនោះដដែល។

ដង្គុំកាមេរ៉ាមូលនេះ មិនមែនថ្មីឡើយ ដោយគេឃើញមានប្រើលើស្មាតហ្វូន Motorola និង Nokia រួចមកហើយ ប៉ុន្តែមិនសូវល្បីប៉ុន្មានឡើយ។ ការសម្រេចប្រើម៉ូដនេះដែរ អាចមកពី Huawei ចង់ឲ្យស្មាតហ្វូនខ្លួនប្លែកពី iPhone និង Google Pixel ជំនាន់ថ្មី ដែលប្រើម៉ូដកាមេរ៉ារាងជ្រុង ដូចនេះ សូមរង់ចាំបន្តទៀត៕