Lampard ជា​គ្រូ​បង្វឹក​អង់គ្លេស​ទី​ប៉ុន្មាន​ហើយ​នៅ​ Premier League?

  • 2019-07-07 00:07:00
  • ចំនួនមតិ 0 | ចំនួនចែករំលែក 0

ចន្លោះមិនឃើញ


ការតែងតាំងរបស់ Lampard នៅតោខៀវ Chelsea នៅ​សប្ដាហ៍​នេះ​បាន​បញ្ចប់​នូវ​ការ​ផ្លាស់ប្ដូរ​ដ៏​គួរ​ឱ្យ​កត់​សម្គាល់​មួយ​ដោយ អតីត​គ្រូ​បង្វឹក Derby County រូប​នេះ​បាន​ក្លាយ​ទៅ​ជា​គ្រូ​បង្វឹក​អង់គ្លេស​នៅ​ទឹកដី​អង់គ្លេស​ទី​៧​ហើយ សម្រាប់​ក្លឹប​ធំ​ទាំង​២០​នៅ Premier League។

គ្រូ​បង្វឹក​អង់គ្លេស​នៅ​ទឹក​ដី​អង់គ្លេស​៦​នាក់​ផ្សេង​ទៀត​រួម​មាន៖ Dean Smith, Eddie Howe, Graham Potter, Sean Dyche, Roy Hodgson និង Chris Wilder ។

Wilder និង Smith ធ្លាប់​ដឹកនាំ​ក្រុម Sheffield United និង Aston Villa នៅ​ក្របខ័ណ្ឌ​បាល់ទាត់​កំពូល​អង់គ្លេស ខណៈ​ដែល​លោក Potter ធ្លាប់​ដឹកនាំ​នៅ Brighton។

Lampard មាន​គ្រូ​ល្អៗ​ជា​ច្រើន​កាល​លេង​នៅ Chelsea មាន​ដូចជា​កំពូល​គ្រូ​បង្វឹក Jose Mourinho លោក Carlo Ancelotti ដែល​​អតីត​វីរបុរស​តោខៀវ​ធ្លាប់​លើក​ពាន​២​ដង​ជាមួយ និង Guus Hiddink ដែល​ Lampard ធ្លាប់​លើក​ពាន​ម្តង​ជាមួយ​ផង​ដែរ។

ឥឡូវ​គ្រូ​បង្វឹក​វ័យ​៤១​ឆ្នាំ​បាន​យក​បទពិសោធន៍​ពី​គ្រូ​បង្វឹក​ទាំង​នោះ​ មក​ដឹកនាំ​ក្រុម​ចាស់​ខ្លួន​ឯង​វិញ​ម្តង ហើយ​ក៏​ជា​មោទនភាព​របស់​​សមាគម​បាល់ទាត់​អង់គ្លេស​ដែល​មាន​គ្រូ​អង់គ្លេស​នៅ​អង់គ្លេស។

Lampard បាន​និយាយ​ថា "ខ្ញុំ​ពិតជា​សប្បាយ​រីករាយ​នៅ​ពេល​ដែល​ខ្លួន​គឺជា​គ្រូ​បង្វឹក​អង់គ្លេស​វ័យ​ក្មេង ដែល​ត្រូវ​បាន​គេ​ផ្តល់​ឱកាស​នេះ​ឲ្យ​"។

ខ្សែ​បម្រើ Danny Drinkwater ដែល​ជា​​ផ្នែក​មួយ​ដ៏​សំខាន់​ជួយ Leicester ឈ្នះ​ពាន​កាល​ពី ៣ ឆ្នាំ​មុន​ ហើយ​ដែល Chelsea បាន​ចំណាយ​លុយ ៣៥ លាន​ផោន (៤៣​លាន​ដុល្លារ) ត្រូវ​បាន​បង្កក​ក្រោម​ការគ្រប់គ្រង​របស់​លោក Maurizio Sarri កាល​ពី​រដូវ​កាល​មុន។ អតីត​ប្រធាន​ក្រុម Gary Cahill ក៏​ចំណាយ​ពេល​ពេញ​១​រដូវ​កាល​អង្គុយ​លើ​កៅអី​បម្រុង ហើយ​នេះ​ជា​​អ្វី​ដែល Lampard និយាយ​ថា​នឹង​មិន​កើត​ឡើង​ម្តង​ទៀត​ឡើយ៕

អាន៖ Premier League គ្រោង​កាត់​បន្ថយ​កូតា​កីឡាករ​បរទេស ប៉ុន្តែ​ក្លឹប​ជំទាស់

អាន៖ លីគ​អង់គ្លេស​យ៉ាប់​ខ្លាំង​មិន​ធ្លាប់​មាន​ឡើយ​​​ក្នុង​រយៈ​ពេល​២៧​ឆ្នាំ​នៅ​ Premier League

ប្រភព៖ Mirror   ប្រែ​សម្រួល៖ សុខ លាងហ៊ត