ONE បើកចុះឈ្មោះប្រកួត Esports យកតែ៤២នាក់ តែចុះឈ្មោះជាង១០ម៉ឺននាក់

2019-07-08 07:31:02
ចំនួនមតិ 0 | ចំនួនចែករំលែក 0

ចន្លោះមិនឃើញ

ស្ថាប័នប្រដាល់គុនចម្រុះដ៏ធំប្រចាំអាស៊ី One Championship បានរៀបចំការប្រកួតជើងឯកកីឡាអេឡិចត្រូនិករបស់ខ្លួនThe 2019 Formula 1 New Balance Esports Series Pro Draft ជាលើកទី២ បន្ទាប់ពីពានរង្វាន់មួយនេះបានរៀបចំលើកទី១កាលពីឆ្នាំ២០១៨ ប៉ុន្តែអ្វីដែលគួរឲ្យចាប់អារម្មណ៍គឺមានអ្នកចុះឈ្មោះចូលរួមប្រកួតលើសលប់។

ទិដ្ឋភាពប្រកួតរបស់ ONE

បន្ទាប់ពីប្រកាសបើកចុះឈ្មោះមក រហូតដល់ពេលនេះមានអ្នកចុះឈ្មោះរហូតដល់ ១០៩ ០០០នាក់ដែលកើនឡើងហូតដល់៦៥% បើប្រៀបធៀបនឹងចំនួនអ្នកចុះឈ្មោះកាលពីឆ្នាំ២០១៨។ រឿងគួរឲ្យសោកស្តាយសម្រាប់អ្នកចុះឈ្មោះគឺថា ការប្រកួតឆ្នាំនេះយកតែ៤២នាក់ប៉ុណ្ណោះ ដូច្នេះមានអ្នកចុះឈ្មោះជាច្រើនណាស់ដែលមិនបានចូលរួមប្រកួត។

ONE បានឲ្យដឹងថា មានតែ៤២នាក់ប៉ុណ្ណោះក្នុងចំណោមអ្នកចុះឈ្មោះរាប់ពាន់នាក់ត្រូវបានជ្រ់សរើស។ ក្នុងនោះ៣នាក់ជ្រើសរើសចេញពីការប្រកួតដែលមានពិន្ទុខ្ពស់ជាងកាលពីការប្រកួត F1 2018 អំឡុងពេលប្រកួតវគ្គជម្រុះ។ ១២នាក់ផ្សេងទៀតត្រូវបានជ្រើសរើសដោយមាន២ដំណាក់កាលផ្សេងទៀត។

តាមការគ្រោងទុក អ្នកដែលត្រូវបានជ្រើសរើសទាំងអស់នឹងចាប់ផ្តើមប្រកួតពីថ្ងៃទី១៦ ខែកក្កដានេះតទៅដើម្បីស្វែងជើងខ្លាំង៣០នាក់ចុងក្រោយឆ្ពោះទៅការប្រកួតជុំផ្តាច់ព្រ័ត្រដែលផ្សាយផ្ទាល់ចន្លោះខែកញ្ញា និងខែធ្នូ ឆ្នាំ២០១៩៕

អត្ថបទ៖ ជាន ចាន់រ៉ា