គួរប្រើមួយណា? ប្រៀបធៀបកម្មវិធី Chat ទាំង ៥ ល្បីបំផុតស្រុកខ្មែរ

2019-07-15 08:30:00
ចំនួនមតិ 0 | ចំនួនចែករំលែក 0

ចន្លោះមិនឃើញ

បច្ចុប្បន្នយើងឃើញថា មានកម្មវិធីបញ្ជូនសារជាច្រើន ដែលមានប្រជាជនយើងប្រើជាប្រចាំថ្ងៃ ហើយថ្ងៃនេះ Sabay នឹងលើកយកកម្មវិធីចំនួន ៥ មកប្រៀបធៀបគ្នា ដើម្បីជំនួយដល់ការសម្រេចចិត្តថាគួរជ្រើសរើសប្រើមួយណា។

១. Viber

Viber ជាកម្មវិធីសម្រាប់ Chat ឬ Call លក្ខណៈ Private ដែលមានអ្នកប្រើប្រាស់ច្រើនជាង ៩០០ លាននាក់។ មុខងារដ៏ពិសេសរបស់វានោះគឺ វាប្រើប្រព័ន្ធមួយមានឈ្មោះថា ''End-to-End Encryption'' ដែលជួយធានានូវសុវត្ថិភាពខ្ពស់ និងមិនមាននរណាអាច hack ចូលមើលសារអ្នកបានឡើយ បើទោះជាក្រុមហ៊ុន Viber ផ្ទាល់។ មិនតែប៉ុណ្ណោះ វាថែមទាំងមាន Stickers ស្អាតៗ cute cute ជាអក្សរខ្មែរសម្រាប់អ្នកប្រើប្រាស់ផងដែរ។

ចុចទីនេះដើម្បី Download Sticker ខប់ៗទាំងនោះ។

ចង់ដឹងច្បាស់ពីកម្មវិធីទាំង ៥ នេះ សូមមើលវីដេអូខាងក្រោម៖

២. Whatsapp

កម្មវិធីនេះក៏មានមុខងារ ''End-to-End Encryption'' ដូចទៅនឹង Viber ដែរ ជាមួយនឹង Interface ឬ រចនាបថបែបសាមញ្ញងាយយល់។ អ្វីដែលយើងគួរកត់សម្គាល់នោះគឺ Whatsapp ត្រូវបានទិញដោយFacebook ដូច្នេះហើយ Facebook ក៏អាចចូលមើល ឬយកទិន្នន័យពីយើងផងដែរ។

៣. Line

កម្មវិធីនេះឃើញមានការគាំទ្រយ៉ាងខ្លាំងពីសំណាក់យុវជនក្មេងៗ។ រចនាបថរបស់កម្មវិធីនេះមានភាពទាក់ទាញខ្លាំងបូករួមជាមួយ Stickers cute cute ដែលមានទាំងក្នុង Chat និង Video call ផងដែរ។

៤. Telegram

សព្វថ្ងៃ កម្មវិធីនេះមានការប្រើប្រាស់ជាច្រើនពីសំណាក់អ្នកធ្វើការ ឬអ្នកធ្វើការក្រសួង។ មូលហេតុដែលគួរឲ្យទាក់ទាញរបស់កម្មវិធីនេះគឺ អ្នកអាចផ្ញើវីដេអូ ឬរូបភាព ដោយមិនបានកំណត់ ឬទម្លាក់គុណភាពឡើយ។ មានន័យថា រូបច្បាស់ប៉ុណ្ណាគឺនៅប៉ុណ្ណឹងដដែល។

៥. Messenger

កម្មវិធីនេះជាកម្មវិធីរបស់ Facebook ផ្ទាល់ ដែលមានអ្នកប្រើប្រាស់ច្រើន ដោយសារវាតម្រូវឲ្យអ្នកប្រើប្រាស់ Facebook ទាំងឡាយប្រើវា ទោះជាចង់ឬមិនចង់ក្ដី។ លក្ខណៈពិសេសរបស់កម្មវិធីនេះគឺ រចនាបថរបស់វា មានភាពទាក់ទាញ ហើយមានមុខងារច្រើន ដូចជា Stickers ស្អាតៗ, Games, និង Story ជាដើម៕