ជម្លៀសខ្លួនរាប់លាននាក់ ក្រោយទឹកជំនន់ពីខ្យល់ព្យុះមូសុងវាយប្រហារនៅឥណ្ឌា
- 2019-07-16 01:43:58
- ចំនួនមតិ 0 | ចំនួនចែករំលែក 0
ជម្លៀសខ្លួនរាប់លាននាក់ ក្រោយទឹកជំនន់ពីខ្យល់ព្យុះមូសុងវាយប្រហារនៅឥណ្ឌា
ចន្លោះមិនឃើញ
ពលរដ្ឋជាង ៣លាននាក់ ត្រូវបានជម្លៀសខ្លួននៅភាគខាងជើង និងភាគឦសានក្រោយពេលដែលទឹកជំនន់ដោយសារខ្យល់ព្យុះមូសុងវាយប្រហារបណ្ដាលឲ្យបាត់បង់ជីវិតមនុស្ស សត្វនិងបំផ្លិចបំផ្លាញទ្រព្យសម្បត្តិ។
យោងតាមរបាយការណ៍របស់ Reuters ឲ្យដឹងថាទន្លេ Brahmaputra ដែលហូរកាត់ប្រទេសឥណ្ឌា, បង់ក្លាដេស និងចិន បានហក់ឡើងកម្ពស់ទឹកខ្លាំងបណ្ដាលឲ្យប៉ះពាល់ដល់ ១ ៨០០ភូមិនៅឥណ្ឌា។ មនុស្សជិតពីរលាននាក់ ត្រូវបានជម្លៀសនៅភាគឦសាននៃរដ្ឋ Bihar ដោយសារទឹកជំនន់ ខណៈពេលដែល ១,៧លាននាក់ផ្សេងទៀត ចាកចេញពីផ្ទះនៅរដ្ឋ Assam។ គួរបញ្ជាក់ថា រដូវកាលនៃខ្យល់ព្យុះមូសុង ចាប់ផ្ដើមឡើងពីខែមិថុនារហូតដល់កញ្ញាដែលបណ្ដាលឲ្យមានព្យុះវាយប្រហារអាស៊ីខាងត្បូងជារៀងរាល់ឆ្នាំ។
ជាមួយគ្នាដែរ ខ្យល់ព្យុះនេះ ក៏បានវាយប្រហារនៅតំបន់ជាច្រើនក្នុងប្រទេសនេប៉ាល់, បង់ក្លាដេស រួមទាំងឥណ្ឌា ហើយមនុស្សជាង ១៣០នាក់ត្រូវបានសម្លាប់បើគិតមកទល់ពេលនេះ៕