Facebook, Google និងInMobi បង្កើតប្រវត្តិសាស្ត្រដ៏អស្ចារ្យនៅលើទឹកដីកម្ពុជា

2019-07-18 04:00:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ទីផ្សារឌីជីថលកំពុងតែមានការរីកចម្រើនយ៉ាងឆាប់រហ័សនៅកម្ពុជានិងកំពុងតែទាក់ទាញការចាប់អារម្មណ៍យ៉ាងខ្លាំងពីសំណាក់បណ្តាក្រុមហ៊ុនអ៊ីនធឺណិតល្បីៗជាច្រើននៅពាសពេញសកលលោក។ តាមរយៈតួលេខនៃការប្រើប្រាស់អ៊ីនធឺណិតដែលមានរហូតដល់ ៧៥% ហើយនាពេលនេះ ប្រជាជនកម្ពុជាជាងពាក់កណ្តាលនិយមប្រើប្រាស់បណ្តាញសង្គមដូចជា Facebook, Googleជាដើម។

Havas Socialyseជាក្រុមហ៊ុនផ្តល់សេវាកម្មផ្នែកឌីជីថលឈានមុខគេនៅក្នុងប្រទេសកម្ពុជាបានអញ្ជើញក្រុមហ៊ុនឌីជីថលល្បីៗចំនួន ៣ មានFacebook, GoogleនិងInMobi មកជួបជុំគ្នាជាលើកដំបូងនៅក្នុងព្រះរាជាណាចក្រកម្ពុជា។ ព្រឹត្តិការណ៍ជាប្រវត្ដិសាស្ដ្រនេះត្រូវបានប្រារព្ធធ្វើឡើងក្នុងគោលបំណងដើម្បីបង្ហាញអំពីដំណោះស្រាយនានា ទាក់ទិននឹងបណ្តាញសង្គមនិងវិស័យឌីជីថលដល់សហគមន៍អាជីវកម្មនៅក្នុងប្រទេសកម្ពុជា។

កញ្ញាAnna Soliman ប្រធានទីភ្នាក់ងារអភិវឌ្ឍន៍ APAC នៃក្រុមហ៊ុន Facebook មានប្រសាសន៍ឲ្យដឹងថា៖«ប្រជាជនកម្ពុជាកាន់តែច្រើនឡើងៗកំពុងតែប្រើប្រាស់បណ្តាញសង្គម Facebookនិង Instagram ដើម្បីបង្កើតការប្រាស្រ័យទាក់ទងជាមួយគ្នាប្រកបដោយអត្ថន័យជារៀងរាល់ថ្ងៃ។»

កញ្ញាក៏បានបន្តទៀតថា៖«ដូច្នេះហើយយើងមកកាន់ទីនេះដើម្បីធ្វើការជាមួយក្រុមហ៊ុន Havas Socialyse ដែលជាដៃគូដ៏សំខាន់របស់យើងមិនអាចខ្វះបាន ក្នុងគោលបំណងដើម្បីជួយដល់អាជីវកម្មរបស់ប្រទេសកម្ពុជាឱ្យបង្កើតបាននូវទំនាក់ទំនងដ៏មានអត្ថន័យយ៉ាងប្រសើរនិងល្អឥតខ្ចោះ ក៏ដូចគ្នាជាមួយនឹងអតិថិជនរបស់ពួកគេផងដែរ។»

អំពីក្រុមហ៊ុនHavas Socialyse Cambodia Socialyse ជាក្រុមហ៊ុនឌីជីថលដ៏ធំដែលជាសមាជិករបស់ក្រុមហ៊ុន Havas Group ដែលកំពុងធ្វើការនៅតាម បណ្តាការិយាល័យចំនួន 39 និងធ្វើប្រតិបត្តិការនៅ 80ប្រទេស។ ជាមួយនឹងការផ្តល់ជូននូវសេវាកម្មផ្នែកឌីជីថល 360 ដឺក្រេ ក្រុមហ៊ុនHavas Socialyse Cambodia ប្រមូលផ្តុំទៅដោយអ្នកជំនាញដែលមានចំណេះដឹងជ្រៅជ្រះនិងមានទេពកោសល្យខ្ពស់ក្នុងស្រុក។ ក្រុមហ៊ុននេះក៏នឹងបន្តខិតខំបង្កើនលទ្ធភាពរបស់ខ្លួនបន្ថែមទៀតដើម្បីសហការជាមួយដៃគូសកលរបស់ក្រុមហ៊ុន Havas និង Vivendi Group ដែលក្រុមហ៊ុនទាំងនោះមានដូចជា Gameloft, Ekino និង Universal Music ជាដើម។