ម៉ៅ​ សុផាន់ណារីន​ ប្រើ​ស្ដាយ​តាម​ Idol​ របស់​ខ្លួន​ De Gea​ ជួយ​ក្រុម​លើក​ពាន​ វេសឡាញ​

  • 2019-07-18 04:29:26
  • ចំនួនមតិ 0 | ចំនួនចែករំលែក 0

ចន្លោះមិនឃើញ


ធនធាន​អ្នក​ចាំ​ទី​ថ្មី​របស់​កម្ពុជា​ ម៉ៅ​ សុផាន់ណារីន​ ប្រើ​ស្ដាយ​អស់​ដៃ​ ប៉ុន្តែ​នៅ​សល់​ជើង​ តាម​ Idol​ របស់​ខ្លួន​ De Gea​ ជួយ​ក្រុម​ឈ្នះ​បាល់​ទាត់​កាត់សេចក្ដី​ ១១​ម៉ែត្រ​ លើក​ពាន​រង្វាន់​វេសឡាញ ឆ្នាំ​២០១៩​ ម្សិលមិញ​នេះ។​

កីឡាករ ម៉ៅ​ សុផាន់ណារីន​

អ្នក​ចាំ​ទី​វ័យ​ ១៦​ឆ្នាំ​ ខាង​លើ​នេះ​ បាន​ឲ្យ​ដឹង​ថា​ សម្រាប់​ការ​ប្រកួត​ចុង​ក្រោយ​ម្សិលមិញ​ជា​មួយ​ក្រុម​វេសឡាញ​សាខា​ទួល​ស្វាយព្រៃ​ នេះ​គឺ​តានតឹង​និង​ពិបាក​មែនទែន​ ពោល​កម្រិត​សមត្ថភាព​កីឡាករ​ទាំង​សងខាង​ប្រហាក់ប្រហែល​ ស្រប​ពេល​តំបន់​ប្រយុទ្ធ​ ការពារ​ និង​ខ្សែបម្រើ​ល្អ​ដូច​គ្នា។​ ការ​ប្រកួតនេះតានតឹង​រហូត​៩០​នាទី​ពេញ​ លទ្ធផល​ ១-១​ និង​ឈាន​ដល់​ការ​ទាត់​បាល់​កាត់​សេចក្ដី​ ១១ម៉ែត្រ​ ទើប​រក​ឃើញ​ក្រុម​ឈ្នះ​ពាន​រង្វាន់​ U-19​ នេះ​បាន។​ ចូល​ដល់​វគ្គ​នេះ​ យុវជន​វ័យក្មេង​រូប​នេះ​ បន្ថែម​ថា​ ភ័យ​ផង​ អរ​ផង​ ប៉ុន្តែ​ដោយ​សារ​តែ​មាន​បទ​ពិសោធ​ច្រើន​លើ​ការ​ចាំ​បាល់​១១ម៉ែត្រ​នេះ​ ទើប​ធ្វើ​ឲ្យ​ខ្លួន​ជោគជ័យ​បែប​នេះ។​

វេសឡាញ សាខាទួលទំពូង

ធនធាន​ថ្មី​របស់​កម្ពុជា​ម្នាក់​នេះ ​ប្រាប់​ថា​អ្នក​ចាំ​ទី​នៅ​អឺរ៉ុប​ដែល​ជា​ Idol​ របស់​គេ​នោះ​គឺ​ Devid De Gea​ ដែល​លេង​ឲ្យ​ក្រុម​ Man Utd​ ចំណែក​នៅ​ខ្មែរ​វិញ​ គឺ​ ស៊ូ​ យ៉ាទី។​ ចំពោះ​ក្រុម​នៅ​កម្ពុជា​ដែល​ខ្លួន​មាន​ក្ដី​ស្រមៃ​ចង់​លេង​នោះ​គឺ​ក្រុម​បាល់ទាត់​បឹងកេត។​

វេសឡាញ សាខាទួលទំពូង

រំលឹក​ដែរ​ថា​ កម្មវិធី​ពានរង្វាន់​កីឡា​វេសឡាញ​ ២០១៩​ បាន​បិទ​បញ្ចប់​ហើយ​កាល​ពី​ម្សិលមិញ​នេះ​ ដោយ​វិញ្ញាសា​បាល់ទាត់​ U-19​ លេខ​១​ បាន​ទៅ​លើ​ក្រុម​វេសឡាញ​ សាខា​ ទួល​ទំពូង​ លេខ២​ សាខា​ទួលស្វាយ​ព្រៃ​ លេខ៣​ សាខា​ដូនពេញ​ និង​លេខ៤​ សាខា​សន្ធរម៉ុក។​ សម្រាប់​ការ​ប្រកួត​នេះ​ដែរ​គឺ​មាន​ការ​ចូលរួម​ពី​សាលា​វេសឡាញ​ទាំង​១០​សាខា​ សរុប​កីឡាករ​ កីឡា​ការិនី​ ៦០២​នាក់​ លេង​លើ​៤​ប្រភេទ​កីឡា​ បាល់ទាត់​ វាយ​កូន​ឃ្លី​លើ​តុ​ ហែលទឹក​ និង​ តេក្វាន់ដូ។ ក្រុមរបស់ សុផាន់ណារីន​ ឈ្នះ​បាល់កាត់សេចក្ដី១១ម៉ែត្រ ដោយ​លទ្ធផល ៥-៣៕​

អត្ថបទ៖ នួន ស៊ីណា​