FaceApp កម្មវិធីកែមុខក្មេងទៅជាចាស់ ត្រូវអាមេរិកប្តឹង FBI ឲ្យបើកការសើបអង្កេត

2019-07-19 01:18:15
ចំនួនមតិ 0 | ចំនួនចែករំលែក 0

ចន្លោះមិនឃើញ

សមាជិកព្រឹទ្ធសភារបស់សហរដ្ឋអាមេរិកលោក Chuck Schumer បានស្នើឲ្យ FBI ប្រញាប់ចាត់វិធានការសើបអង្កេតលើកម្មវិធី FaceApp ដែលជាកម្មវិធីពេញនិយមមួយផ្លាស់ប្ដូររូបភាពរបស់អ្នកប្រើប្រាស់ឲ្យទៅជាមានភាពវ័យក្មេងឬចាស់ជាងខ្លួន។

តាមរយៈការចែកចាយលើបណ្តាញសង្គម Twitter លោក Schumer បានសង្កត់ធ្ងន់ថាទិន្នន័យឯកជនរបស់ពលរដ្ឋនៅសហរដ្ឋអាមេរិកអាចនឹងត្រូវបែកធ្លាយទៅដល់ដៃក្រុមហ៊ុនបរទេស ស្របពេលដែលកម្មវិធីមួយនេះត្រូវបានគេដឹងថាមានដើមកំណើតចេញពីប្រទេសរុស្ស៊ី។

យ៉ាងណាមិញ FaceApp បានបដិសេធនិងច្រានចោលការចោទប្រកាន់នេះ ផ្ទុយទៅវិញក៏បានចេញសារឆ្លើយតបថា៖ "ត្បិត R&D Team របស់យើងមានមូលដ្ឋាននៅរុស្ស៊ី តែទិន្នន័យរបស់អ្នកប្រើយើងមិនបានបញ្ជូនទៅកាន់ប្រទេសរុស្ស៊ីអ្វីនោះឡើយ"។ ជាសារសង្កត់ធ្ងន់រាល់ទិន្នន័យរូបភាពទាំងអស់មិនត្រូវបានរក្សាទុក ពោលគឺត្រឹមទទួលយករូបភាពដែលអ្នកប្រើបានជ្រើសរើសហើយធ្វើការកែច្នៃតែប៉ុណ្ណោះ។

បញ្ជាក់ថា FaceApp សព្វថ្ងៃកំពុងមានអ្នកប្រើប្រាស់ភ្ល្លូកទឹកភ្លូកដីមិនថាក្នុងនិងក្រៅស្រុក ដោយតាមទិន្នន័យចុងក្រោយពីក្រុមហ៊ុនថាមានអ្នកប្រើសកម្មប្រមាណ ៨០ លាននាក់ហើយ។