អ្នក​ស្ម័គ្រស្មោះ iPhone ផ្តើម​ធ្លាក់​ចុះ​មិន​ធ្លាប់​មាន​ក្នុង​រយៈ​ពេល ៨ ឆ្នាំ​ចុង​ក្រោយ

  • 2019-07-21 02:12:21
  • ចំនួនមតិ 0 | ចំនួនចែករំលែក 0

ចន្លោះមិនឃើញ


យោង​តាម​ការ​ស្ទង់​មតិ​ចេញ​ពី BankMyCell ​បាន​បង្ហាញ​ពី​ភាព​ស្ម័គ្រស្មោះ​របស់​អតិថិជន​ដែល​ព្រម​ដាំ​ខ្ទឹម​ជាមួយ​ការ​ប្រើប្រាស់ iPhone និង​មិន​ងាករេ​ទៅ​ស្លាកយីហោ​ដទៃ​បាន​មាន​ការ​ធ្លាក់​មក​ត្រឹម ៧៣ ភាគរយ ដែល​ជា​ភាគរយ​ទាប​បំផុត​ពុំ​ធ្លាប់​មាន​រាប់​តាំង​ពី​ឆ្នាំ ២០១១។

របាយការណ៍​ពី​ប្រភព​ខាង​លើ​ឆ្លងកាត់​ការ​ឆ្លើយតប​ពី​អ្នក​ប្រើប្រាស់​ប្រមាណ ៣៨ ០០០ នាក់​នៅ​ខែ​តុលា ឆ្នាំ ២០១៨ ​ក្នុង​នោះ​មាន ៧៣ ភាគរយ​ប៉ុណ្ណោះ​បន្ត​ការ​ប្រើប្រាស់ iPhone ខណៈ​សេសសល់​ឯ​ទៀត​ផ្លាស់​ទៅ​ប្រើប្រាស់​ស្មាតហ្វូន​ស្លាកយីហោ​ដទៃ។

មាន​ការ​ធ្លាក់​ចុះ​ប្រមាណ ១៥,២ ភាគរយ​ធៀប​នឹង​ខែ​មេសា ឆ្នាំ ២០១៨ នៃ​អ្នក​ប្រើប្រាស់​ដែល​ឡើង​សេរ៊ី iPhone ជំនាន់​ថ្មី។ ដោយ​ឡែក ២៦ ភាគរយ​នៃ​ម្ចាស់ iPhone X បាន Trade-in យក​ស្មាតហ្វូន​ស្លាកយីហោ​ដទៃ ខណៈ​ម្ចាស់​ស្មាតហ្វូន Samsung ​ត្រឹម ៧,៧ ភាគរយ​គត់​ដែល​ប្តូរ​មក​ប្រើប្រាស់ iPhone វិញ។

បញ្ជាក់​ភាគរយ​ធ្លាប់​ហក់​ខ្ពស់​បំផុត​កើត​មាន​នៅ​ឆ្នាំ ២០១៧ ជំនាន់ iPhone X បង្ហាញ​ខ្លួន​គឺ​ភាព​ស្មោះស្ម័គ្រ​របស់​អតិថិជន​មាន​ដល់​ទៅ ៩២ ភាគរយ​ឯ​ណោះ។

ចុច Like និង See First ដើម្បីទទួលព័ត៌មានបច្ចេកវិទ្យាមុនគេ......

អានអត្ថបទ:

ប្រភព៖ iphonemod   ប្រែ​សម្រួល៖ កៅ រក្សា