កម្មវិធី FaceApp ទាយមុខមាត់ចាស់ត្រូវប៉ុណ្ណា?

2019-07-21 02:09:15
ចំនួនមតិ 0 | ចំនួនចែករំលែក 0

ចន្លោះមិនឃើញ

FaceApp កំពុងទទួលបានការពេញនិយមខ្លាំង ដោយសារវាអាចកែប្រែមុខមនុស្សពីមុខមាត់ក្មេងទៅជាចាស់ បានយ៉ាងសមឥតខ្ចោះ។ ចង់ដឹងថាកម្មវិធីនេះព្យាករណ៍ពីភាពចាស់ត្រូវប៉ុណ្ណា BBC បានធ្វើការប្រៀបធៀបមួយ ដោយយករូបភាពបង្កើតដោយ FaceApp ធៀបនឹងមុខមាត់ពេលចាស់ឡើង។

តារាសម្ដែង Sir Ian McKellen

រូបភាពខាងឆ្វេងថតនៅឆ្នាំ ១៩៦៨ ចំណែករូបភាពកណ្ដាលឆ្លងកាត់ការកែច្នៃមុខតាមកម្មវិធី FaceApp។ រូបភាពខាងស្ដាំវិញគឺនៅពេលលោក Sir Ian ដើរតួជា Maneto ក្នុងភាពយន្ត X-Men: Days of Future Past ពេលមានវ័យ ៧៥ ឆ្នាំ។ ប្រៀបធៀបទៅឃើញថាមុខមាត់កែច្នៃ និងមុខមាត់ពិតមិនខុសគ្នាប៉ុន្មានឡើយ។

តារាចម្រៀង Dolly Parton

រូបភាពខាងឆ្វេងគឺនៅឆ្នាំ ១៩៧៧ រូបភាពកណ្ដាលជាការប្រើកម្មវិធីបង្កើតឡើង និងរូបខាងស្ដាំជារូបភាពនៅដើមឆ្នាំ ២០១៩ ពេលតារាចម្រៀង Country រូបនេះមានវ័យ ៧៣ ឆ្នាំ។ ត្រង់ករណីនេះឃើញថាកម្មវិធីធ្វើមិនបានល្អឡើយ ព្រោះរូបពិតគឺចាស់ជាងរូបដែលបង្កើតឡើង។

តារាសម្ដែង Morgan Freeman

ខាងឆ្វេងគឺរូបភាពពេលមានវ័យស្របាល ៥០ ឆ្នាំ ហើយរូបភាពច្នៃឡើងដោយ FaceApp បង្កើតនៅស្នាមដក់ក្រោមភ្នែក។ រូបភាពពិតនាពេលបច្ចុប្បន្ននេះ ស្នាមដក់ក្រោមភ្នែករបស់តារាសម្ដែងជើងចាស់រូបនេះពិតជាមានដូចរូបភាពច្នៃឡើងមែន។