មើលរូបភាពថតចេញពីកាមេរ៉ាទូរសព្ទ Xiaomi ទំហំ ៦៤ MP ផលិតដោយ Samsung

2019-07-22 07:03:01
ចំនួនមតិ 0 | ចំនួនចែករំលែក 0

ចន្លោះមិនឃើញ

ឆ្នាំ ២០១៩ មានក្រុមហ៊ុនជាច្រើនបានបញ្ចេញស្មាតហ្វូនដែលមានកាមេរ៉ាថតរូបទំហំ ៤៨ MP មានដូចជា Asus, ZTE ជាដើម។ មិនឈប់ត្រឹមនេះទេ ដោយ Xiaomi ទើបបានបង្ហើបអំពីស្មាតហ្វូនប្រើកាមេរ៉ាទំហំ ៦៤ MP នាថ្ងៃនេះ។

ម៉ាក Redmi ដែលជាម៉ាកសាខារបស់ Xiaomi បានបង្ហាញរូបភាពគំរូមួយសន្លឹកទំហំ ៦៤ MP នៅលើបណ្ដាញ Weibo ដែលមានបង្ហាញរូបភាពឆ្មា ហើយមាន Zoom ចូលនៅត្រង់ភ្នែកឆ្មា។ មិនបាច់រាយរ៉ាប់ច្រើន គេអាចដឹងថាកាមេរ៉ាទំហំ ៦៤ MP នេះ អាចផ្ដិតយករូបភាពមានសភាពច្បាស់ខ្លាំង។

មិនមែនជាលើកដំបូងទេដែលដំណឹងអំពីស្មាតហ្វូនកាមេរ៉ាទំហំ ៦៤ MP លេចចេញពី Xiaomi នោះ ដោយកាលពីខែមុនគេប្រទះឃើញឯកសារយោងអំពីកាមេរ៉ាទំហំ ៦៤ MP នៅក្នុងកម្មវិធីកាមេរ៉ានៃ MIUI របស់ Xiaomi។

គួរដឹងថា Sensor ទំហំ ៦៤ MP ដែល Xiaomi ប្រើ គឺផលិតឡើងដោយ Samsung ដែលជាម៉ូដែល GW-1។ Sensor របស់ Samsung អាចថតរូបបានទំហំ ៦៤ MP ប៉ុន្តែវាប្រើប្រាស់បច្ចេកវិទ្យា Pixel-Bining សម្រាប់ថតរូបនៅទីងងឹត ដូចនេះពេលថតនៅទីងងឹតកម្រិតរូបភាពនឹងធ្លាក់នៅទំហំ ១៦ MP៕

ចុចអាន៖

ប្រភព៖ Androidauthority ប្រែសម្រួល៖ សុខហេង