សត្វចិញ្ចឹមទាំងនេះមាន Followers រាប់លាននាក់ក្នុង Instagram

2019-07-23 08:22:51
ចំនួនមតិ 0 | ចំនួនចែករំលែក 0

ចន្លោះមិនឃើញ

វាមិនមានអីចម្លែកទេ ពេលយើងឃើញតារាមានអ្នកគាំទ្រច្រើនទូទាំងពិភពលោក ដូចជា Ariana Grande ដែលមានអ្នក follow រហូតដល់ ១៦០ លាននាក់ ច្រើនជាងគេបង្អស់លើ Instagram។ ប៉ុន្តែអ្នកមានដឹងទេថា សត្វចិញ្ចឹមទាំងប៉ុន្មានខាងក្រោមនេះក៏ទទួលបានការគាំទ្រយ៉ាងខ្លាំងពីអ្នកប្រើប្រាស់ទូទាំងពិភពលោក។

១. Jiffpom

កូនឆ្កែដ៏គួរឲ្យស្រឡាញ់មួយនេះមានអ្នក follow ច្រើនជាងគេនៅក្នុង Instagram រហូតដល់ ៩,២ លាននាក់។ Jiffpom ពេលខ្លះត្រូវគេយល់ច្រលំថាជាតុកាតា ព្រោះវាស្អាតពេក។

២. Doug the Pug

កូនឆ្កែតឿមុខជ្រួញជាមួយនឹងភ្នែកមូលក្រឡង់តែគួរឲ្យស្រឡាញ់មួយនេះ ទទួលបានចំណាត់ថ្នាក់លេខ ២ ដោយមានអ្នក follow ចំនួន ៣,៨ លាននាក់។

៣. Juniper the Fox

ពេលធម្មតាសត្វចិញ្ចឹមគឺសំដៅទៅឆ្កែឬឆ្មា ប៉ុន្តែaccount មួយនេះបង្កើតឡើង ដើម្បីបង្ហោះរូបកញ្ជ្រោងរបស់ខ្លួន។ Juniper ជាកញ្ជ្រោងមានរោមស្អាតនិងរាងតូច ដែលគេបានជួយហើយយកមកចិញ្ចឹម។ អ្វីដែលអស្ចារ្យនោះគឺ មានសៀវភៅនិយាយអំពី Juniper ផងដែរ មានចំណងជើងថា The Happiest Fox។ Juniper មានអ្នក follow ចំនួន ២,៨ លាននាក់។

៤. Grumpy Cat

ខុសពីសត្វខាងលើ ឆ្មានេះមិនមានមុខ cute ឡើយ ប៉ុន្តែចំណុចទាក់ទាញរបស់ឆ្មានេះគឺ មុខរបស់វានេះឯង។ វាមានមុខក្រញ៉ូវគ្រប់ពេល ដែលត្រូវបានគេយកទៅធ្វើជា meme ជារឿយៗ។ Grumpy Cat មានអ្នក follow ចំនួន ២,៧ លាននាក់។

៥. Marnie the Dog

ឆ្កែនេះមានអាយុ ១៧ ឆ្នាំ ហើយធ្លាប់ជាឆ្កែអនាថា ដែលត្រូវបានគេជួយពី ៦ ឆ្នាំមុន។ Marnie តែងតែលៀនអណ្តាតចេញ ពេលថតរូប។ Marnie មានអ្នក follow ជិត ២ លាននាក់៕

ចុចអាន៖

ប្រភព៖ Time ប្រែសម្រួល៖ អ៊ឹម ដេវីដ