សុខ រិទ្ធ៖ ច្បាប់ប្រដាល់ថ្មីនៅថៃ កីឡាករស៊ីលុយគេធ្វើចាញ់ គេរកឃើញដឹងតែគុកហើយ
- 2019-07-31 04:10:33
- ចំនួនមតិ 0 | ចំនួនចែករំលែក 0
សុខ រិទ្ធ៖ ច្បាប់ប្រដាល់ថ្មីនៅថៃ កីឡាករស៊ីលុយគេធ្វើចាញ់ គេរកឃើញដឹងតែគុកហើយ
ចន្លោះមិនឃើញ
ជើងខ្លាំងមកពីខេត្តបន្ទាយមានជ័យ សុខ រិទ្ធ ថានៅស្រុកថៃគេតឹងរ៉ឹងណាស់រឿងកីឡាករឡើងប្រកួត បើហ៊ានយកលុយគេហើយធ្វើចាញ់ ពេលប្រកួតដឹងតែខូចអាជីពខ្លួនឯង ហើយជាប់គុកទៀតផង។
សុខ រិទ្ធ និយាយក្នុង Video Live របស់ផេកឯកជនមួយកាលពីយប់មិញនេះថា នៅឯប្រទេសថៃ គឺគេធ្វើតឹងរ៉ឹងណាស់ចំពោះកីឡាករស៊ីលុយគេ ឬអាចនិយាយថាយកលុយគេហើយធ្វើចាញ់ពេលប្រកួត ច្បាប់ថ្មីរបស់គេប្រសិនបើមន្ត្រីសហព័ន្ធរកឃើញគឺចាប់ដាក់គុកហើយ។
ជើងខ្លាំងទម្ងន់ ៥១គីឡូក្រាមខាងលើនេះបានឲ្យដឹងទៀតថា ចំពោះខ្លួន និងកីឡាករផ្សេងៗទៀតដែលកំពុងហាត់នៅក្លឹបប្រទេសថៃ គឺមិនដែលមានករណីខាងលើនេះទេព្រោះការដែលលក់ខ្លួន លក់ការប្រកួតបែបនេះដូចធ្វើឲ្យខូចអាជីព ឬបញ្ចប់អាជីពខ្លួនឯង។
សុខ រិទ្ធ ជាអ្នកប្រដាល់ដែលទៅហ្វឹកហាត់នៅឯប្រទេសថៃ តាំងពីតូចៗមកម្ល៉េះ បច្ចុប្បន្ននេះគេក៏ជាសិស្សគុនរបស់លោក សាន់ សៅយ៉ាន់ ក្នុងខេត្តបន្ទាយមានជ័យផងដែរ។ ថ្ងៃអាទិត្យ ទី៤ ខែសីហា ឆ្នាំ២០១៩ អ្នកប្រដាល់រូបនេះនឹងត្រូវប្រកួតមិត្តភាពអន្តរជាតិនៅសង្វៀន PNN៕
ចាញ់ ឈ្នះៗ គង់ សំបូរ ឡើងគូឯកនៅសង្វៀនថៃ Super Champ អាទិត្យនេះ
Iquezang យកប្រាក់ពីការប្រកួតជាមួយ កែវ រំចង់ ជួយដល់គុនខ្មែរ
ភួង ពិសិដ្ឋ បានជួប ព្រឿង សុជាតិ ដូចក្ដីបំណងនៅជុំទី២
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
