ក្រោយ iPhone ថ្មីចេញប៉ុន្មានថ្ងៃ Samsung អាចនឹងលក់ស្មាតហ្វូនតម្លៃជិត ២ ពាន់ដុល្លារ

2019-07-31 06:26:36
ចំនួនមតិ 0 | ចំនួនចែករំលែក 0

ចន្លោះមិនឃើញ

Samsung បានពន្យារពេលដាក់លក់ Galaxy Fold តាំងពីខែមេសា ដោយមានបញ្ហាបច្ចេកទេសមួយចំនួន ប៉ុន្តែខ្លួនពុំបានបោះបង់នោះទេ ដោយក្រុមហ៊ុនមានមូលដ្ឋាននៅទឹកដីកូរ៉េខាងត្បូងបានខិតខំអភិវឌ្ឍសារជាថ្មីហើយកំណត់ប្រកាសផ្សាយនៅអំឡុងខែកញ្ញាខាងមុខនេះ។

ស្មាតហ្វូនបត់ Galaxy Fold ត្រូវបានសារព័ត៌មាន The Investor បញ្ជាក់ថាក្នុងទីផ្សារកូរ៉េខាងត្បូងអាចនឹងប្រកាសសារជាថ្មីនៅអំឡុងថ្ងៃទី ១៨,១៩ ឬ ២០ ខែកញ្ញា ពោលគឺក្រោយប៉ុន្មានថ្ងៃនៃការបង្ហាញវត្តមាន iPhone សេរ៊ីឆ្នាំ ២០១៩ ដែលតាមការព្យាករណ៍អាចធ្វើទៅបានមុនថ្ងៃទី ១៥ កញ្ញា។

Samsung នឹងនៅតែបន្តលោតចូលចង្វាក់ផលិតកម្មធំសម្រាប់ត្រកូល Fold ក៏ដូចជាសេរ៊ី Note 10/Note 10+ ត្រៀមលេចមុខនាថ្ងៃទី ៧ សីហាខាងមុខ។ តាមការវិភាគទីផ្សារនៅទឹកដីកំណើត Samsung អាចនឹងលក់ចេញ Note 10 ឆ្នាំ ២០១៩ បានខ្ទង់ ១០០ ០០០ គ្រឿងអំឡុងពេលចេញផ្សាយដំបូង ខណៈ Fold ក៏នឹងអាចហក់ដល់ ១ លានគ្រឿងនៅចំណុចខ្ពស់បំផុតមួយ។

ទីផ្សារសហរដ្ឋអាមេរិកនិងកូរ៉េខាងត្បូង អាចទទួលស្វាគមន៍ Galaxy Fold មុនគេបង្អស់ក្នុងខែកញ្ញា ខណៈតំបន់អឺរ៉ុបផ្សេងទៀតដូចជាអាល្លឺម៉ង់ បារាំង អង់គ្លេសនឹងមានលក់ជាបន្តបន្ទាប់។ សម្រាប់តម្លៃក៏មិនខុសពីការប្រកាសដំបូង ពោលគឺប្រហាក់ប្រហែលនឹង ១ ៩៨០ ដុល្លារ ៕

អានអត្ថបទ:

ប្រភព៖ GSMarena ប្រែសម្រួល៖ កៅ រក្សា