ប្រពន្ធ សេន ប៊ុនថេន រកចំណូលពីលក់សម្ភារកីឡាចន្លោះ ៦០០-៧០០ដុល្លារក្នុង១ខែ

2019-08-01 07:48:21
ចំនួនមតិ 0 | ចំនួនចែករំលែក 0

ចន្លោះមិនឃើញ

ប្រពន្ធអតីតអ្នកប្រដាល់ជើងរន្ទះ សេន ប៊ុនថេន បង្ហើបប្រាប់ប្រាក់ចំណូលពីរបរលក់សម្ភារកីឡារៀងរាល់ថ្ងៃនេះ ក្នុងមួយខែអាចបានចន្លោះ ៦០០-៧០០ដុល្លារផងដែរបន្ទាប់ពីកាត់ថ្លៃចំណាយផ្សេងៗរួចទៅ។

រូបភាពលើហ្វេសបុក ឃឹម ខាន់សោភ័ណ្ឌ

អ្នកនាង ឃឹម ខាន់សោភ័ណ្ឌ បានឲ្យដឹងថា បើនិយាយពីប្រាក់ចំណូលពីរបរលក់សម្ភារកីឡាសព្វថ្ងៃនេះគឺគ្មានទេ លុយលក់បានគឺត្រូវការទិញនេះទិញនោះបន្ថែមជានិច្ច និយាយជារួមមិនសូវទុកលុយឲ្យសល់ឡើយ ប៉ុន្តែមានឥវ៉ាន់ពេញៗក្នុងហាង។

អ្នកនាង ឃឹម ខាន់សោភ័ណ្ឌ

ប្រពន្ធអ្នកប្រដាល់ខាងលើនេះបន្ថែមទៀតថា ចំណូលប្រចាំខែ ឬការលក់នេះគឺមិនទៀតនោះទេ ពោលដោយខែជូនកាលលក់បានច្រើន ជួនកាលខែខ្លះលក់បានតិច។ ប៉ុន្តែបើនៅរដូវបុណ្យចូលឆ្នាំ បុណ្យភ្ជុំបិណ្ឌ ឬកម្មវិធីធំៗនានា ការលក់កើនឡើងខ្លាំង លក់ដាច់ខ្លាំងព្រោះគេត្រូវការខោសម្រាប់កម្មវិធីប្រដាល់ផ្សេៗរបស់គេ។ បន្ទាប់ពីដកថ្លៃឈ្នួលម៉ូតូឌុប ថ្លៃជាងកាត់ និងថ្លៃមួយចំនួនទៀតក្នុងមួយខែសល់ ៦០០-៧០០ដុល្លារផងដែរ តែខែខ្លះក៏មានធ្លាក់ត្រឹម ២០០-៣០០ដុល្លារដូចជាខែភ្លៀងជាដើម។

រូបភាពលើហ្វេសបុក ឃឹម ខាន់សោភ័ណ្ឌ

រំលឹកដែរថា អ្នកស្រី ឃឹម ខាន់សោភ័ណ្ឌ រៀបការជាមួយកីឡាករ សេន ប៊ុនថេន តាំងពីឆ្នាំ២០១៣ មកម្ល៉េះ ដោយមានចំណងដៃកូនស្រីម្នាក់។ ពួកគេទាំងពីរចាប់ផ្ដើមប្រកបរបរលក់សម្ភារកីឡាអំឡុងឆ្នាំ ២០១៧ មកដល់សព្វថ្ងៃនេះ៕

អត្ថបទ៖ នួន ស៊ីណា