ទូកនាគរបស់កម្ពុជា រំពឹងបានមេដាយជាថ្មីទៀតក្នុងកម្មវិធី ជើងឯកពិភពលោកនៅថៃ

2019-08-19 04:11:54
ចំនួនមតិ 0 | ចំនួនចែករំលែក 0

ចន្លោះមិនឃើញ

គ្រូបង្វឹក រួមនិងកីឡាករទូកនាគ សង្ឃឹមខ្ពស់ថានឹងធ្វើបានល្អ ហើយឈានទៅរកមេដាយនៃការប្រកួតជ្រើសរើសជើងឯកទូកនាគពិភពលោក លើកទី១៤ នៅប្រទេសថៃដែលចាប់ពីថ្ងៃទី២០ស្អែកនេះហើយ។

រូបភាពរបស់សហព័ន្ធ

រូបភាពកាលប្រកួតនៅចិន

លោក អ៊ុក ឃ៊ល ជាគ្រូបង្វឹកបានឲ្យដឹងថា តាមរយៈការទទួលបានជ័យជម្នះមេដាយមាស ក្នុងព្រឹត្តិការណ៍កីឡាប៊ូលីសពិភពលោក ឯប្រទេសចិនប៉ុន្មានថ្ងៃនេះ រួមនិងបទពិសោធប្រកួតនៅក្រៅប្រទេសច្រើនដង ហើយទទួលបានជោគជ័យច្រើនផងនោះ ដូច្នេះការប្រកួតនៅថៃលើកនេះក៏សង្ឃឹមថាបានមេដាយបន្ថែមទៀតផងដែរ។

គ្រូបង្វឹកខាងលើនេះបន្ថែមទៀតថា ចំណុចដែលកីឡាកររបស់លោកធ្វើបានល្អ ឬខ្លាំងនោះ គឺការយកចិត្តទុកដាក់ហ្វឹកហាត់ ស្ដាប់ការបង្ហាត់បង្រៀនរបស់គ្រូបានល្អ ក្រៅពីនេះទៀតនោះ ការចេះដកស្រង់បទពិសោធពីដៃគូប្រកួត ហើយកែប្រែបង្កើនសមត្ថភាពខ្លួន។

កីឡាករទូកនាគ

រំលឹកដែរថា កីឡាករ រួមនិងគ្រូបង្វឹកចំនួន ១៧នាក់ បានចេញដំណើរទៅប្រទេសថៃហើយនាពេលម្សិលមិញនេះ។ កីឡាករទូកនាគកម្ពុជានឹងលេងលើ ៣វិញ្ញាសា នៃការប្រកួតជ្រើសរើសជើងឯកទូកនាគពិភពលោកលើកទី១៤ នៅប្រទេសថៃ៕

អត្ថបទ៖ នួន ស៊ីណា