Apple ច្រឡំបើកចន្លោះប្រហោងលើ iOS 12.4 ទើបធ្វើឲ្យគេអាច Jailbreak iPhone

2019-08-22 04:30:20
ចំនួនមតិ 0 | ចំនួនចែករំលែក 0

ចន្លោះមិនឃើញ

កាលពីដើមសប្ដាហ៍មានការបញ្ចេញដំណឹងថា iOS 12.4 ត្រូវបានក្រុមស្រាវជ្រាវសុវត្ថិភាព Pwn20wned ធ្វើការ Jailbreak បានសម្រេច។ បើតាមការចេញផ្សាយរបស់ Motherboard បានឲ្យដឹងថា ហេតុផលដែលគេអាច Jailbreak iPhone បាន ក៏ដោយសារតែ Apple បានច្រឡំបើកចន្លោះប្រហោងមួយនៅលើ iOS 12.4។

ចន្លោះប្រហោងផ្នែកសុវត្ថិភាពមួយនេះ ត្រូវបានប្រទះឃើញដោយអ្នកស្រាវជ្រាវរបស់ Google ដែល Apple បានជួសជុលវារួចមកហើយនៅលើ iOS 12.3។ ប៉ុន្តែជាមួយការអាប់ដេត iOS 12.4 Apple បែរជានាំយកចន្លោះប្រហោងនេះមកជាមួយវិញ។

លោក Stefan Esser ជានាយកប្រតិបត្តិរបស់ក្រុមហ៊ុនសុវត្ថិភាព Andit0te មានមូលដ្ឋាននៅអាល្លឺម៉ង់ បានព្រមានថាម្ចាស់ iPhone ដែលប្រើ iOS 12.4 គួរប្រុងប្រយ័ត្ននៅពេលទាញយកកម្មវិធីពី App Store រហូតដល់ពេលបញ្ហានេះត្រូវបានជួសជុល។

មកទល់ពេលនេះ នៅមិនទាន់មានការឆ្លើយតបពី Apple នោះទេ។ ក្រុមហ៊ុននៅមិនទាន់បានបញ្ចេញការអាប់ដេត iOS ថ្មី ដើម្បីដោះស្រាយបញ្ហានេះនៅឡើយទេ៕

ចុចអាន ៖ ដេញជើង Apple ឥតឈប់! iOS 12.4 ត្រូវជើងខ្លាំងបំបែកបានហើយ

ប្រភព៖ Businessinsider ប្រែសម្រួល៖ សុខហេង