រឿងរើសអើងពណ៌សម្បុររបស់ Pogba ធ្លាយដល់សមាជិកសភាអង់គ្លេស
- 2019-08-23 12:16:01
- ចំនួនមតិ 0 | ចំនួនចែករំលែក 0
រឿងរើសអើងពណ៌សម្បុររបស់ Pogba ធ្លាយដល់សមាជិកសភាអង់គ្លេស
ចន្លោះមិនឃើញ
ករណីរើសអើងពណ៌សម្បុរទៅលើខ្សែបម្រើបារាំង Paul Pogba កាលពីថ្ងៃច័ន្ទ មានលក្ខណៈកក្រើកយ៉ាងខ្លាំង ដោយធ្វើឲ្យក្រុមហ៊ុន Twitter នឹងជួបពិភាក្សាជាមួយតំណាងរបស់ក្លឹប Manchester United។
នៅថ្ងៃនេះដែរ សមាជិកសភាអង់គ្លេស និងជាប្រធានគណៈកម្មការឌីជីថល វប្បធម៌ ប្រព័ន្ធផ្សព្វផ្សាយ និងកីឡា លោក Damian Collins បានបង្ហាញពីការចាប់អារម្មណ៍ក្នុងករណីរបស់ Pogba នេះដែរ។
បើតាមសារព័ត៌មាន Sky Sports បានឲ្យដឹងថា លោកប្រធានគណៈកម្មការនេះ បានបញ្ជាក់ពីគោលជំហររបស់គណៈកម្មការរបស់ខ្លួន ក្នុងការបន្តឃ្លាំមើលករណីរបស់ Pogba ហើយនឹងពិភាក្សាជាមួយសមាជិកគណៈកម្មការទាំងអស់ នៅពេលដែលសភាជាន់ទាបត្រលប់ពីវិស្សមកាល។
គួរបញ្ជក់ផងដែរថា Pogba ត្រូវបានរងការប្រមាថ និងរើសអើងពណ៌សម្បុរនៅតាមបណ្ដាញសង្គម Twitter ក្រោយពីកីឡាកររូបនេះ ស៊ុតបាល់ពិន័យ ១១ម៉ែត្រមិនចូល កាលពីប្រកួតប៉ះជាមួយ Wolves៕