ឃើញ Khabib ឈ្នះម្សិលមិញ McGregor បបួលវាយគ្នាម្ដងទៀតនៅរុស្សី

2019-09-09 02:53:54
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រោយពីឃើញ Khabib Nuragamedov ការពារខ្សែក្រវាត់របស់ខ្លួនបានកាលពីម្សិលមិញ កីឡាករកំពូលឌឺ Conor McGregor បានបបួលសុំសងសឹកប្រកួតគ្នានៅរុស្សី។

កីឡាករសញ្ជាតិរុស្សី Khabib បានរកឃើញជ័យជម្នះលើកទី២៨ បន្តកំណត់ត្រាមិនដែលចាញ់ក្នុងអាជីព ក្រោយយកឈ្នះកីឡាករ Dustin Poirier ក្នុងទឹក៣ កម្មវិធី UFC 242 រៀបចំនៅអារ៉ាប់រួម។ ការឈ្នះនេះ Khabibនៅតែបន្តរក្សាការពារខ្សែក្រវាត់ប្រភេទទម្ងន់ Lightweight របស់ខ្លួន។

ក្រោយបញ្ចប់ការប្រកួត McGregor ដែលធ្លាប់ចាញ់ Khabib កាលពីឆ្នាំមុនបានបង្ហោះសារលើបណ្ដាញសង្គម Twitter ថា ចង់ប្រកួតជាមួយគ្នាម្ដងទៀត តែលើកនេះសុំវាយនៅរុស្សីតែម្ដង។ ចំពោះការប្រកួតកាលពីម្សិលមិញ គឺជាការវិលត្រលប់មកកាន់សង្វៀនជាលើកដំបូងរបស់ Khabib វ័យ៣០ឆ្នាំ បន្ទាប់ពីជាប់បម្រាមប្រកួត។

Khabib ត្រូវបានហាមមិនឲ្យប្រកួតរយៈពេល៦ខែ បន្ទាប់ពីបង្កជម្លោះជាមួយក្រុមរបស់ Conor McGregor។ តែពេលនេះគេបានត្រលប់មកវិញ ខណៈតាមការរំពឹងទុកប្រកួតក្រោយគេអាចជួបជើងខ្លាំង Tony Ferguson៕