"ខ្ញុំមានការភ្ញាក់ផ្អើលដែល Watford បណ្ដេញខ្ញុំ ខ្ញុំមិនរំពឹងថានឹងមានលទ្ធផលដូច្នោះទេ"

2019-09-15 02:00:00
ចំនួនមតិ 0 | ចំនួនចែករំលែក 0

ចន្លោះមិនឃើញ

Javi Gracia អតីតគ្រូបង្វឹក Watford បាននិយាយនៅក្នុងកម្មវិធីវិទ្យុកីឡា El Larguero ដោយលោកមិនលាក់បាំងនឹងការភ្ញាក់ផ្អើលរបស់លោកឡើយចំពោះការសម្រេចចិត្តដែលក្រុមប្រឹក្សាបានធ្វើដាក់លោក។

Javi Gracia បាននិយាយថា "ខ្ញុំបានប្រជុំជាមួយក្រុមប្រឹក្សា ហើយបន្ទាប់ពីទទួលបានលទ្ធផលល្អ២ ខ្ញុំគិតថាខ្ញុំនឹងនៅបន្តការងារទៀត។ ខ្ញុំមិនរំពឹងថានឹងមានវាសនាដូច្នេះទេ"។

នៅក្នុងការប្រជុំនោះក្រុមប្រឹក្សាភិបាលបានគាំទ្រគម្រោងរបស់ Javi Gracia។ "ពួកគេបានផ្តល់ទំនុកចិត្តដល់ខ្ញុំ ជាគម្រោងអភិវឌ្ឍធនធានកីឡាកររយៈពេលវែងមួយ នៅពេលដែលខ្ញុំបន្តកុងត្រាថ្មី”។

Javi Gracia ជឿជាក់ថា Watford នឹងខ្លាំងឡើង។ "ខ្ញុំគិតថាយើងល្អជាងមុន ហើយក៏ជាអ្វីដែលយើងអាចកែប្រែលទ្ធផលមិនល្អរបស់យើងបានដែរ"។

អតីតគ្រូបង្វឹក Watford ជឿថាក្លឹបបានត្រៀមមនុស្សរួចជាស្រេច នោះគឺ Quique Sanchez Flores គ្រូបង្វឹកថ្មីមុនពេលដែលពួកគេបណ្ដេញលោកចេញ។ "វាអាច ពួកគេបានរង់ចាំអ្នកថ្មីមកមុនបណ្ដេញខ្ញុំ។ វាជាក្លឹបដែលមានការផ្លាស់ប្តូរច្រើន"។

អាន៖ Mourinho បង្ហើបពីមូលហេតុដែលគាត់គិតធ្វើឱ្យ Alexis Sanchez ដុនដាប់ខ្លាំង នៅ Man Utd

ប្រភព៖ Besoccer ប្រែសម្រួល៖ សុខ លាងហ៊ត