កុំព្យូទ័រថ្មីនេះមានបច្ចេកវិទ្យាស្កេនមុខដោះសោរ អេក្រង់លាតស្ទើរគ្មានគែម
- 2019-09-23 06:23:39
- ចំនួនមតិ 0 | ចំនួនចែករំលែក 0
កុំព្យូទ័រថ្មីនេះមានបច្ចេកវិទ្យាស្កេនមុខដោះសោរ អេក្រង់លាតស្ទើរគ្មានគែម
ចន្លោះមិនឃើញ
បន្ទាប់ពីក្រុមហ៊ុន ASUS បានប្រកាសដាក់បង្ហាញចេញ កុំព្យូទ័រយួរដៃ ជំនាន់ថ្មីសេរី Vivobook S15 សេរីថ្មី S531 ក្នុងកម្មវិធី Computex នៅក្នុងទីក្រុងតៃវ៉ាន់កាល់ពីថ្ងៃទី ២៧ ខែឧសភាឆ្នាំ ២០១៩កន្លងទៅ។ មកទល់ពេលនេះកុំព្យូទ័រយួរដៃដ៏ស្រស់ស្អាតនេះ កំពុងមានវត្តមានលើទីផ្សារកម្ពុជាជាផ្លូវការហើយ។
**ខាងក្រោមនេះជាលក្ខណពិសេសរបស់ Vivobook S15៖**
-១.រចនាបទទំនើបនិងទាន់សម័យជាងមុន រូបរាងស្តើងស្អាត មានជម្រើសពណ៌ចម្រុះស្អាតសាកសមនឹងយុវវ័យសម័យថ្មី ជាមួយនឹងការឌីហ្សាញ បាតក្រោមអាចរុញឡើងខ្ពស់ដែលជំនួយដល់ប្រព័ន្ធត្រជាក់របស់ម៉ាស៊ីន អមជាមួយនឹងរូបរាងស្តើងស្រាលងាយស្រួលយកតាមខ្លួន
-២.មុខងារនិងបច្ចេកវិទ្យាថ្មីៗ ដូចជា អេក្រង់លាតស្ទើរគ្មានគែម (NanoEdge Display) ក្រុមហ៊ុន ASUS បានធ្វើអោយLaptopនេះសឹងតែគ្មានគែម ហើយក៏ជាLaptop Vivobook ដំបូងដែលមានបច្ចេកវិទ្យា Infrared Camera និង Wi-Fi 6 ផងដែរ។
រូបរាងខាងក្រៅ
កុំព្យូទ័រយួរដៃថ្មីនេះ មានជម្រើសពណ៌ចម្រុះស្អាតប្លែកភ្នែកចំនួន ៥ ពណ៌ផ្សេងៗគ្នាដូចជា ពណ៌បៃតងស្លែរ ពណ៌ផ្កាឈូក ពណ៌ខៀវ ពណ៌ខ្មៅ និង ពណ៌ទឹកប្រាក់។
លេបថបនេះមានទម្ងន់ស្រាលត្រឹមតែ ១,៨ គីឡូក្រាម ងាយស្រួលដាក់ចូលកាបូបយកតាមខ្លួន មិនធំពេក ក្នុងការយួរនិងយកទៅណាមកណា។ ផ្ទៃខាងលើ ផលិតដោយលោហៈមានរចនាបទប្លែកស្អាតអមទៅដោយនិមិត្តសញ្ញា(Logo) ASUS Vivobook នៅខាងកៀន។
និងមានរន្ធចេញខ្យល់ប្រសើរជាងមុន និងមានរន្ធបំពងសំឡេង (Speakers) នៅចំហៀងនៃសម្បកខាងក្រោម ជាមួយនឹងបច្ចេកវិទ្យា ErgoLift ជាត្រជៀក Laptop រុញឡើងបាន ៣.៥°(ដឺក្រេ) ដែលជំនួយដល់ការការវាយអត្ថបទ (Typing) ឲ្យមានភាពងាយស្រួល និងមិនឆាប់ឲ្យឡើងកម្ដៅ។
S15 ក៏មាននូវបច្ចេកវិទ្យា Four-sided NanoEdge Display ដែលផ្តល់ទំហំអេក្រង់ធំគ្មានគែម សឹងតែ ៨៨% នៃផ្ទៃខាងមុខទៅហើយ ដោយគែមបន្សល់ទុក មានប្រវែងខ្លីត្រឹមតែ ៥.២ (mm) ណាណូម៉ែត្រ ដែលជួយទៅដល់បទពិសោធន៍នៃការសម្លឹងទៅលើអេក្រង់របស់អ្នកអោយកាន់តែប្រសើរឡើង។
សមត្ថភាពម៉ាស៊ីន
លេបថបនេះត្រូវបានបំពាក់ CPU Core I7-8565U (Turbo Boost ដល់ទៅ 4.6GHz) និង Core I5-8265 (Turbo Boost ដល់ទៅ3.9GHz) ជំនាន់ទី 8 និង GPU ដាច់ របស់ក្រុមហ៊ុន NVIDIA GeForce MX250 ដែលមានអង្គចងចាំប្រភេទ PCIe SSDទំហំដល់ទៅ1TB។
វាក៏ជាលេបថបដំបូងដែលបំពាក់បច្ចេកវិទ្យា Infrared (IR) Camera ដែលយើងអាច Log-in ដោយមិនប្រើដៃ យ៉ាងមានសុវត្ថិភាពជាមួយនឹង Window Hello ដោយគ្រាន់តែក្រឡេកមើលទៅលើលេបថប ដោះសោរជាការស្រេច។
ក្រៅពីនោះវាក៏មកជាមួយនិងបច្ចេកវិទ្យា Wi Fi 6 (802.11ax) ដែលមានល្បឿនលឿនជាងបច្ចេកវិទ្យា Wi Fi 5 ដល់ទៅ៣ដង ហើយបច្ចេកវិទ្យានេះផ្ទុកនូវ Network កាត់បន្ថយភាពស្ទក់យឺតបានដល់ ៧៥% ជួយដល់ការផ្ទេរវីដេអូ 4K ហើយក៏ជំនួយដល់អ្នកដែលមានអាជីពជា Video Editor បានមួយផ្នែកដែរ។
S15 បំពាក់ប្រព័ន្ធសម្លេងរបស់បច្ចេកវិទ្យា Harmon Kardon ដែលផ្តល់គុណភាពសម្លេងខ្ពស់ ល្អ បាស់បុកខ្លាំង លើសពីលេបថបដ៏ទៃ ព្រមជាមួយនឹងបច្ចេកវិទ្យាសាកថ្មលឿន Fast charge (ប្រើពេល ៤៩ នាទី សាកបាន ៦០%)។
សម្រាប់តម្លៃ Vivobook S15 នេះដែរ ក្រុមហ៊ុន ASUS បានដាក់លក់នៅក្នុងទីផ្សារប្រទេសកម្ពុជាចាប់ពីថ្ងៃនេះតទៅហើយជាមួយជម្រើស Core i5-8265U RAM 8GB/ NVIDIA MX250 SSD 512GB គឺ ៧៨៩ ដុល្លារ ចំណែកឯជម្រើស Core i7-8765U RAM 8GB/ NVIDIA MX250 SSD 512GB គឺ ៨៨៩ ដុល្លារ៕