គ្រូមកពី Spurs បានបង្វឹកកុមារ និងយុវជននៅកម្ពុជា ១១៨៣ នាពេលថ្មីៗនេះ

2019-09-25 08:00:00
ចំនួនមតិ 0 | ចំនួនចែករំលែក 0

ចន្លោះមិនឃើញ

គ្រូបាល់ទាត់អាជីពមកពីក្រុមខ្លាំងនៅអង់គ្លេស Spurs ដែលបានសហការជាមួយ AIA កន្លងទៅនេះបានជួយហ្វឹកហាត់កុមារ យុវជនជាតិ និងអន្តរជាតិបាន ១១៨៣ នាពេលកន្លងទៅថ្មីៗនេះនៅកម្ពុជា។

សកម្មភាពហ្វឹកហាត់កន្លងទៅ

សម្រាប់ការបង្វឹកពីគ្រូជំនាញមកពីអង់គ្លេសលើកនេះ គឺមិនត្រឹមតែធ្វើឡើងនៅឯកីឡដ្ឋាន AIA Stadium នៅខណ្ឌទួលគោក រាជធានីភ្នំពេញនោះទេ ពោលការបង្ហាត់បង្រៀននេះបានធ្វើឡើងទៅដល់ខេត្តសៀមរាបទៀតផង។ ការចុះទៅដល់ខេត្តដែលជាទឹកដីអង្គរមួយនេះ រឹតតែផ្ដល់ភាពងាយស្រួលដល់កុមារ រួមទាំងយុវជនដែលនៅទីនោះក្នុងការរៀនបាល់ទាត់។

ចំពោះកុមារ រួមទាំងយុវជន ដែលបានចូលរួមកម្មវិធីនេះទាំងអស់ បានទទួលសំលៀកបំពាក់កីឡាមួយឈុតដោយឥតគិតថ្លៃ និងវិញ្ញាបនបត្រទទួលស្គាល់ដោយក្លឹប Spurs ។

ពេលកំពុងរៀនទ្រឹស្ដី

រំលឹកដែរថា កម្មវិធី ហ្វឹកហាត់ជាមួយគ្រូមកពី Spurs នេះធ្វើឡើងនៅភ្នំពេញ កាលពីថ្ងៃទី១៤ កញ្ញា ២០១៩ ក្នុងកីឡដ្ឋាន AIA Stadium ខណ្ឌទួលគោក ភ្នំពេញ។ នៅថ្ងៃបន្ទាប់ទៀតគឺធ្វើនៅក្លឹបកីឡាយុវជន ក្នុងខេត្តសៀមរាប ចាប់ពីម៉ោង ៨ព្រឹក ដល់ ៦ល្ងាច៕

សូមទស្សនាវីដេអូ៖

អត្ថបទ៖ នួន ស៊ីណា