មនុស្សតម្រង់ជួរចាំទិញស្មាតហ្វូន Huawei ព្រោងព្រាត ទោះ Google កំពុងធ្វើទុក្ខទោម្នេញ

2019-10-01 04:03:23
ចំនួនមតិ 0 | ចំនួនចែករំលែក 0

ចន្លោះមិនឃើញ

សេរ៊ី Mate 20 កាលពីឆ្នាំទៅក្រុមហ៊ុន Huawei លក់ចេញបាន ២០ លានគ្រឿង ប៉ុន្តែសម្រាប់សេរ៊ី Mate 30 ឆ្នាំនេះ ត្បិតមិនទទួលបានអាជ្ញាប័ណ្ណផ្លូវការពី Google តែក្រុមហ៊ុនយក្សប្រទេសចិនបានកំណត់គោលដៅលក់ចេញដល់ទៅ ៣០ លានគ្រឿង។

នាថ្ងៃទី ២៨ កញ្ញាកន្លងទៅ Huawei បានបើកលក់ស្មាតហ្វូន Mate 30 ជាផ្លូវការ ដោយនៅហាងលក់ក្នុងទីក្រុង Shenzhen ប្រទេសចិន គេឃើញមានមនុស្សខ្ទង់ពាន់នាក់តម្រង់ជួរទិញព្រោងព្រាត ដែលនេះបង្ហាញយ៉ាងច្បាស់ថាជោគជ័យរបស់ Huawei ក្នុងទឹកដីកំណើតនៅតែបន្តកើតមាន។

តាមការបង្ហើបពីនាយកជាន់ខ្ពស់លោក Richard Yu បានឲ្យដឹងថាត្រឹមរយៈ ពេល ៣ ម៉ោងដំបូងមានការបញ្ជាទិញនៅលើ Online ដល់ទៅ ១ លានគ្រឿង ខណៈមានជិត ១ សែនគ្រឿងបានលក់ដាច់តាមបណ្តាហាងនានា ក្រោយការបើកលក់ផ្លូវការត្រឹម ១ នាទី។

ឆ្លើយតបនឹងភាពអវិជ្ជមាន បើតាមអ្នកជំនាញបានព្យាករណ៍ថាការលក់ចេញស្មាតហ្វូន Huawei ដែលគ្មានអាជ្ញាប័ណ្ណផ្លូវការពី Google បែបនេះ អាចប្រឈមការលំបាកតែក្នុងទីផ្សារអន្តរជាតិប៉ុណ្ណោះ ព្រោះអតិថិជនបាក់ចិត្តតែលើជម្រើសពីររវាងប្រព័ន្ធ iOS និង Android។ សព្វថ្ងៃការនាំចេញប្រមាណ ៥០ ភាគរយរបស់ Huawei កំពុងចរាចរនៅលើទីផ្សារក្រៅស្រុក ខណៈពាក់កណ្តាលសេសសល់បំពេញតម្រូវការអតិថិជនក្នុងប្រទេសចិន៕

អានអត្ថបទ:

ប្រភព៖ Zing ប្រែសម្រួល៖ កៅ រក្សា