ទោះរកាំរកូសផ្នែកនយោបាយ តែ Apple លក់ iPhone ដាច់លើសដើមក្នុងទីផ្សារចិន

2019-11-20 06:01:45
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមហ៊ុន Apple ត្រូវបានរាយការណ៍ថាដឹកជញ្ជូនចេញស្មាតហ្វូន iPhone 11 Pro និង iPhone 11 ប្រមាណ ១០ លានគ្រឿងទៅក្នុងទីផ្សារប្រទេសចិនចន្លោះខែកញ្ញានិងតុលា ឆ្នាំ ២០១៩។ នេះបើតាមរបាយការណ៍តួលេខជាក់លាក់ដែល Bloomberg ស្រង់ចេញពីទិន្នន័យរបស់រដ្ឋាភិបាលប្រទេសចិន។

បើធៀបនឹងពេលវេលាដដែលនៅឆ្នាំ ២០១៨ តួលេខនេះមានការកើនឡើងដល់ទៅ ៦ ភាគរយឯណោះ។

មុនប្រកាស iPhone 11/11 Pro ទីផ្សារនាំចេញរបស់ Apple នៅប្រទេសចិនមានការដាំក្បាលចុះ ក្រោយរងការប្រកួតប្រជែងខ្លាំងពីក្រុមហ៊ុនផលិតស្មាតហ្វូនក្នុងស្រុកដែលបញ្ចេញផលិតផលតម្លៃទាប តែលក្ខណៈសម្បត្តិប្រហាក់ប្រហែលនឹង iPhone មានតម្លៃខ្ទង់ពាន់ដុល្លារ និងមួយផ្សេងទៀតក៏ដោយសារផ្នែកនយោបាយនៃសង្រ្គាមពាណិជ្ជកម្មរវាងប្រទេសទាំងពីរ។

iPhone 11 គឺជាតួឯកនាំឲ្យ Apple ជោគជ័យខ្លាំងឆ្នាំនេះ ព្រោះអាចទាក់ទាញចិត្តអតិថិជនដែលមានកញ្ចប់ថវិកាទាប ហើយទៀតសោត Apple ក៏បានបញ្ចុះតម្លៃ ៥០ ដុល្លារធៀបនឹងតម្លៃនៅទីផ្សារអាមេរិកថែមទៀតផង៕

អានអត្ថបទ:

ប្រភព៖ iPhoneHacks ប្រែសម្រួល៖ កៅ រក្សា