ទាំងនេះ ជាលេខសម្ងាត់ដែលអ្នកមិនគួរប្រើសម្រាប់គណនីផ្ទាល់ខ្លួន

2019-11-27 10:36:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ភាគច្រើនអ្នកប្រើប្រាស់ Account អ៊ីម៉ែល , Account FB និង Account ផ្សេងៗទៀត តែងតែជ្រើសយកលេខសម្ងាត់ងាយៗ ព្រោះគិតថាលេខសម្ងាត់ងាយៗបែបហ្នឹងគឺមិនងាយភ្លេច។ ប៉ុន្តែអ្នកទាំងនោះ ប្រហែលជាមិនបានគិតបញ្ហាណាមួយ នៅពេលដែលមានអ្នកណាម្នាក់អាចលួចយកលេខសម្ងាត់ទាំងនោះ រួចយក Account របស់យើងទៅធ្វើអ្វីផ្សេងនោះទេ។

ប្រសិនបើលេខ សម្ងាត់របស់ប្រិយមិត្តមានដូចលេខទាំង២៥ ខាងក្រោមនេះ អ្នកគួរតែប្ដូរចេញឲ្យហើយទៅ ព្រោះថាអ្នកដទៃអាចនឹងស្មានដឹងពីលេខសំងាត់របស់អ្នក។ ចង់ដឹងថា លេខសម្ងាត់ទាំង ២៥ នេះ មានអ្វីខ្លះទេ ?

យោងតាមគេហទំព័រ CNN តារាងខាងក្រោមនេះ ជាលេខសម្ងាត់ដែលប្រិយមិត្តគួរតែជៀសវាង៖

លេខរៀង	លេខសម្ងាត់
1	password
2	123456
3	12345678
4	abc123
5	qwerty
6	monkey
7	letmein
8	dragon
9	111111
10	baseball
11	iloveyou
12	trustno1
13	1234567
14	sunshine
15	master
16	123123
17	welcome
18	shadow
19	ashley
20	football
21	jesus
22	michael
23	ninja
24	mustang
25	password1

បើ លេខសម្ងាត់ប្រហាក់ប្រហែលខាងមិនគួរប្រើ តើយើងគួរតែប្រើលេខសម្ងាត់បែបណា? លេខសម្ងាត់ដែលប្រិយមិត្តគួរប្រើនោះគួរតែមាន លេខ បញ្ចូលជាមួយអក្សរតូចឬក៏អក្សរធំ បើមានលាយសញ្ញាពិសេសផ្សេងៗទៀតនោះរឹតតែល្អ ។ ឧទាហរណ៍៖ Pa$$w0rd។

បន្ថែម ពីនេះ ប្រសិនប្រិយមិត្តគិតថា វិធីខាងលើមានភាពស្មុគស្មាញនោះ ប្រិយមិត្តគួរតែជ្រើសយកលេខសម្ងាត់ជាប្រយោគអ្វីមួយមកជំនួសវិញ ក៏បានដែរ។ ឧទាហរណ៍៖ Dog_Eats_Bone , My-Pa$$word:)។

ក្រៅ ពីនេះ ដើម្បីការពារអ្នកជុំវិញខ្លួនអ្នក កុំឲ្យស្មានលេខសម្ងាត់របស់យើងនោះយើងគួរតែកុំដាក់លេខសម្ងាត់ណាដែលពាក់ព័ន្ធនឹងព័ត៌មានផ្ទាល់ ខ្លួនអ្នកដូចជា ៖ លេខទូរសព្ទដៃផ្ទាល់ខ្លួន លេខអ្នកផ្ទះ លេខមិត្តស្រី ឈ្មោះរបស់ខ្លួនឬក៏ឈ្មោះមិត្តស្រី និងថ្ងៃខែឆ្នាំកំណើតខ្លួនឯងជាដើម៕

ចុចអាន៖

ប្រភព៖ CNN ប្រែសម្រួល៖ តុង