ពិធីករ The Voice Cambodia បដិសេធមិនជាប់ពាក់ព័ន្ធនារីម្នាក់យំបោកខ្លួន!

2014-11-19 18:37:17
ចំនួនមតិ 0 | ចំនួនចែករំលែក 0

ចន្លោះមិនឃើញ

ពិធីករ The Voice Cambodia លោក សាន់ វិសាល បដិសេធមិនជាប់ពាក់ព័ន្ធនឹងនារីម្នាក់ឈ្មោះ សេង រ៉ាវី យំ បោកខ្លួនថា មានវិបត្តិស្នេហ៍ទេ។ លោកថា រឿងកើតឡើងគឺពាក់ព័ន្ធជាមួយបងស្រីខ្លួន មិនមែនលោកឡើយ។

តារាសម្ដែង ពិធីករ និង ជាអ្នកដឹកនាំរឿង លោក សាន់ វិសាល និយាយថា៖ " ខ្ញុំវាហួសចិត្តបង រឿងឯណាឯណី ជាមួយបងស្រីខ្ញុំសោះ គាត់យកឈ្មោះខ្ញុំទៅពាក់ព័ន្ធ គួរខឹងអត់"។

សាន់ វិសាល និង ជយលាភី The Voice Cambodia ប៊ុត សីហា

លោក សាន់ វិសាល បន្តថា នារីឈ្មោះ សេង រ៉ាវី បានផឹកស៊ីជាមួយបងស្រីខ្លួន ហើយពេលស្រវឹងជោកជាំបាត់លុយ ២០០ ដុល្លារក៏ស្រែកឆោឡោឡើងរករឿងគេរករឿងរហូតធ្វើឱ្យធ្វើឱ្យភ្ញាក់ផ្អើលដល់ជិតជិតខាង។

តារារូបនេះ សង្កត់ធ្ងន់ថា បន្ទាប់ពីរករឿងអ្នកដទៃមិនកើតហើយនារីខាងលើ បានរត់យំបោកខ្លួន មុខហាង វិសាល ខលិចហ្សិន II ដែលជារបស់បងស្រីខ្លួន ដើម្បីឱ្យមហាជនចាប់អារម្មណ៍ថា លោកជាអ្នកបោកប្រាស់នារីម្នាក់នោះ។

“ហាងលក់សំលៀកបំពាក់ វិសាល ខលិចហ្សិន ហ្នឹង មានពីរសាខាបង សាខាទី១ របស់ខ្ញុំ ឯសាខាទី២ ជារបស់បងស្រីខ្ញុំ ស្ថិតលើផ្លូវតែមួយ។ បងស្រីខ្ញុំ គាត់យកឈ្មោះខ្ញុំដាក់ដើម្បីទាក់ទាញចំណាប់អារម្មណ៍ពីទស្សនិកជន ហើយគាត់ទាំងពីរស្គាល់គ្នាធម្មតាទេដល់ពេលមានរឿង ភ្ជាប់ឈ្មោះខ្ញុំទៅវិញអត់យល់"។ សាន់ វិសាល បន្ថែម។

ក្រោយចប់ហេតុការរួច តារាសម្ដែងខាងលើអះអាងថានារីឈ្មោះ សេង រ៉ាវី បាន call មកសុំទោសខ្លួនដែលកំពុងតែដឹកនាំរឿង "រនាថស្នេហ៍" នៅឯខេត្តសៀមរាប។

នារីឈ្មោះ សេង រ៉ាវី ដែលយំបោកខ្លួនមុនហាង វិសាល ខូលិកហ្សិនII រូបថត៖ សាវរក្ស

លោកចាត់ទុកថា ទង្វើនេះបានប៉ះពាល់ដល់កិត្តិយសលោកជាខ្លាំងដោយទស្សនិកជន និង បណ្ដាញសារព័ត៌មានមួយចំនួនបានវាយប្រហារមកលើលោកមិនមានមូលដ្ឋានច្បាស់លាស់។ យ៉ាងណាក៏ដោយ លោក សាន់ វិសាល មិនមានវិធានការបន្តទៀតឡើយក្នុងរឿងនេះ។

ក៏ប៉ុន្តែលោកសំណូមពរដល់បណ្ដាញសារព័ត៌មាន ក៏ដូចជា ទស្សនិកជន នានា សូមកុំឱ្យយល់ច្រឡំលើរឿងខាងលើ ដោយហេតុការណ៍កើតឡើងគឺដាច់ដោយឡែកពីគ្នា។

លោក សាន់ វិសាល ជាពិធីករម្នាក់ក្នុងកម្មវិធី The Voice Cambodia ទើបបញ្ចប់ទៅកាលពីពេលថ្មី។ ក្រៅតែពិធីករលោកជាតារាសម្ដែង និងអ្នកដឹកនាំរឿងល្បីឈ្មោះម្នាក់បន្ទាប់ពីប្រឡូកចូលសិល្បៈជាង ១២ឆ្នាំមក៕

អានអត្ថបទបន្ត៖ ប៊ុត សីហា ទម្លាយរឿងក្នុងចិត្តពី Coach ឆន សុវណ្ណរាជ

អានអត្ថបទបន្ត៖មើលកម្រងរូបភាព ឌី សូនីតា ហាត់ប្រាណបញ្ចេញរាងសិចស៊ី

អានអត្ថបទបន្ត៖Fashion សាមញ្ញៗតែស្រស់ស្អាតសម្រាប់រដូវរងា

អត្ថបទ៖ អ៊ីង សុឡា