ភ្ញាក់ផ្អើលពេលឃើញចំនួនទូរសព្ទ Huawei លក់បានឆ្នាំមុន

2020-01-17 01:52:55
ចំនួនមតិ 0 | ចំនួនចែករំលែក 0

ចន្លោះមិនឃើញ

Huawei ជួបឧបសគ្គដ៏ធំមួយក្នុងឆ្នាំ ២០១៩ ដោយមានឈ្មោះក្នុងបញ្ជីខ្មៅរបស់សហរដ្ឋអាមេរិក ដែលធ្វើឲ្យ Huawei មិនអាចរកស៊ីជាមួយក្រុមហ៊ុនបច្ចេកវិទ្យាអាមេរិកធំៗដូចជា Google បាននោះឡើយ។

ទោះជួបបញ្ហាក្ដី ក្រុមហ៊ុននៅតែអាចបង្កើនចំនួនលក់នៅជុំវិញពិភពលោក ហើយនៅឆ្នាំ ២០១៩ ក្រុមហ៊ុនអាចបញ្ចេញលក់ស្មាតហ្វូនបាន ២៤០ លានគ្រឿង ជាមួយស្មាតហ្វូនត្រកូល P និង Mate កើនឡើងចំនួនលក់ ៥០% ធៀបនឹងឆ្នាំមុន។

Xu Zhijun ដែលបច្ចុប្បន្នជាប្រធាននៃ Huawei Technologies បានបង្ហាញឲ្យដឹងថាក្រុមហ៊ុនរំពឹងថារកចំណូលបានប្រមាណជាង ១២៣ ពាន់លានដុល្លារ ពីការលក់ប្រចាំឆ្នាំ ២០១៩ ដែលកើនឡើង ១៨% ធៀបនឹងឆ្នាំមុន។

ប្រធានក្រុមហ៊ុនបានបង្ហាញអំពីគោលដៅឆ្នាំ ២០២០ របស់ Huawei គឺអភិវឌ្ឍន៍នូវ Huawei Mobile Services ឲ្យកាន់តែសម្បូរបែប ដើម្បីអាចជំនួស Google បាន ហេតុនេះមិនចាំបាច់ពឹងផ្អែកលើដៃគូក្រៅប្រទេសនោះទេ។

ក្រុមហ៊ុនក៏បានបង្ហាញអំពីចំនួនលក់ Huawei Watch GT2 ដែលលក់បានជាង ២ លានគ្រឿងក្នុងរយៈពេលត្រឹម ៣ ខែក្រោយចេញលក់, លក់កាស Huawei FreeBuds 3 បានជាង ១ លានគ្រឿងក្នុងពេលត្រឹម ១ ខែ និងកម្មវិធី Health ដែលបច្ចុប្បន្នមានអ្នកប្រើប្រាស់ប្រចាំខែ ៤០០ លាននាក់៕

ប្រភព៖ GSMarena ប្រែសម្រួល៖ សុខហេង