ម៉ូឌែលនេះក្នុងចំណោម Galaxy S20 ទាំង ៣ លក់ដាច់ជាងគេ ត្បិតតួលេខសរុបលក់ចាញ់ S10
- 2020-03-19 04:19:04
- ចំនួនមតិ 0 | ចំនួនចែករំលែក 0
ម៉ូឌែលនេះក្នុងចំណោម Galaxy S20 ទាំង ៣ លក់ដាច់ជាងគេ ត្បិតតួលេខសរុបលក់ចាញ់ S10
ចន្លោះមិនឃើញ
តាមរបាយការណ៍ពី Insiders បានឲ្យដឹងថាតួលេខលក់ចេញ Galaxy S20 ឆ្នាំ ២០២០ របស់ក្រុមហ៊ុនយក្សកូរ៉េខាងត្បូង Samsung បានមានការធ្លាក់ចុះបើធៀបនឹងជំនាន់ឆ្នាំទៅ Galaxy S10។ ដើមចមនៃបញ្ហាគឺដោយសារការប៉ះពាល់នៃកត្តាសេដ្ឋកិច្ចរបស់អតិថិជន ក្រោយញាំញីពីវីរុសកូវីដ១៩។
ប៉ុន្តែក្នុងចំណោមម៉ូឌែលទាំង ៣ គេឃើញមាន Galaxy S20 Ultra ក្ដោបក្ដាប់ចំណែកសរុបដល់ទៅ ៥០ ភាគរយ ពោលជារឿងភ្ញាក់ផ្អើលមួយព្រោះតាមការប៉ាន់ប្រមាណរបស់ Samsung គឺគិតថា Galaxy S20+ ទៅវិញទេ។
នេះក៏មិនខុសពីការព្យាករណ៍ឆ្នាំទៅដែលក្រុមហ៊ុនរំពឹងខ្ពស់លើ S10 តែលទ្ធផលបែរជា S10+ ឈរនៅលំដាប់កំពូល។ បញ្ជាក់ថាតួលេខ Galaxy S10 គឺលក់ដាច់ខ្លាំងជាងគេបង្អស់បើធៀបនឹងត្រកូល Galaxy S ប៉ុន្មានឆ្នាំចុងក្រោយ ហើយក៏សោកស្តាយដែលឆ្នាំនេះ S20 មិនអាចបន្តកំណត់ត្រាដ៏ល្អ។
រំឭកថាក្រុមហ៊ុន Samsung ក៏កំពុងដុតដៃដុតជើងក្នុងការបញ្ជាឲ្យមានការផ្គត់ផ្គង់បន្ថែមលើបង្គំកាមេរ៉ា 108MP ឆ្លើយតបទៅនឹងការកុម្ម៉ង់ទិញលើសពីការរំពឹងទុកនៃ Galaxy S20 Ultra ផងដែរ៕
អានអត្ថបទ:
ដាក់គ្រឿងក្នុងមួយកប់ទៅ iPad Pro មានតម្លៃថ្លៃបំផុតដល់ ២០០០ ដុល្លារ
គិតត្រឹមពេលនេះក្រុមហ៊ុនរថយន្តធំៗចំនួន ១៣ សម្រេចបិទរោងចក្រផលិត