មេធំ Huawei ទម្លាយមូលហេតុចំៗដែល P40 Pro គ្មានល្បឿនអេក្រង់ 120Hz
- 2020-04-09 06:48:35
- ចំនួនមតិ 0 | ចំនួនចែករំលែក 0
មេធំ Huawei ទម្លាយមូលហេតុចំៗដែល P40 Pro គ្មានល្បឿនអេក្រង់ 120Hz
ចន្លោះមិនឃើញ
ទន្ទឹមនឹងព្រឹត្តិការណ៍ប្រកាសចេញផ្សាយទូរទស្សន៍ឆ្លាតវៃ X65 ដែលមានបំពាក់អេក្រង់ OLED ទៅលើទីផ្សារ នាយកជាន់ខ្ពស់ក្រុមហ៊ុន Huawei លោក Yu Chengdong ក៏ឆ្លៀតឆ្លើយតបទៅនឹងមតិត្អូញត្អែរពីអតិថិជន ជុំវិញមូលហេតុដែលមិនវិវត្តឲ្យមានការគាំទ្រល្បឿនអេក្រង់ 120Hz នៅលើ Hauwei P40 Pro។
លោក Yu បានពន្យល់ថា P40 Pro ពីដំបូងឡើយក៏ក្រុមហ៊ុនមានបំណងចង់វិវត្តដល់ល្បឿន 120Hz ដូចគេដែរ ប៉ុន្តែចុងក្រោយក្រុមហ៊ុនសម្រេចចិត្តធ្វើការផ្តោតសំខាន់ទៅលើកត្តាផ្សេងៗទៀត ជាជាងតែល្បឿនអេក្រង់ជាធំ។ ប្រធានផ្នែករបស់ Huawei ពុំបានសង្កត់ធ្ងន់ថាផ្តោតលើមុខងារអ្វីខ្លះនោះទេ ដោយលោកត្រឹមលើកឧទាហរណ៍មួយដូចជាប្រព័ន្ធសន្សំសំចៃថាមពលថ្មបានល្អប្រសើរជាងមុនជាដើម។
យ៉ាងណាមិញលោកនៅតែអះអាងថាត្រឹមល្បឿន 90Hz លើ P40 Pro/P40 Pro+ នេះ គឺធ្វើបានល្អបំផុតណាស់ហើយ ខណៈដែល P40 ធម្មតាត្រឹម 60Hz ក៏មានការអភិវឌ្ឍឲ្យល្អជាងជំនាន់ឆ្នាំទៅដូចគ្នា។
រំឭកថានៅយុគសម័យបច្ចុប្បន្ន ការប្រៀបធៀបល្បឿន Refresh Rate ក៏ជាចំណុចសំខាន់មួយដែលអតិថិជនរមែងគិតមុនសម្រេចចិត្តលើស្មាតហ្វូនណាមួយ ជាពិសេសអ្នកនិយមចូលចិត្តលេងហ្គេមផ្ទាល់តែម្តង។ ប៉ុន្តែក៏មានការទទួលស្គាល់ពីមតិភាគច្រើនថាល្បឿន 90Hz អាចសន្សំសំចៃថាមពលថ្មបានប្រសើរជាងល្បឿន 120Hz៕
អានអត្ថបទ: