វ៉ន វីវ៉ា បដិសេធប្រកួតនឹង សេន ប៊ុនថេន តែស្នើសុំឲ្យស្បថ

2014-11-24 22:01:46
ចំនួនមតិ 0 | ចំនួនចែករំលែក 0

ចន្លោះមិនឃើញ

ម្ចាស់ខ្សែក្រវាត់ពិភពលោក ISKA វ៉ន វីវ៉ាបានបដិសេធនឹងការស្នើសុំកំណត់ពេលជម្រះបញ្ជីនៅលើសង្វៀនរបស់ សេន ប៊ុនថេន ក្នុងឆ្នាំ២០១៥ ក្រោយពេលអ្នកទាំងពីរប៉ះទង្គិចពាក្យសំដីឌឺដងដាក់គ្នាកាលពីចុងសប្ដាហ៍កន្លងនេះ ប៉ុន្តែបែរស្នើឲ្យ សេន ប៊ុនថេន ស្បថថាតើពិតជាបានសុំឲ្យរូបគេបន្ធូរដៃមែនទេសម្រាប់ការប្រកួតកាលពីប៉ុន្មានឆ្នាំមុន។

វ៉ន វីវ៉ា (ក្រហម) ទាត់លើកីឡាករថៃ (ខៀវ)

នៅលើទំព័រPageឈ្មោះ Viva Vorn ដែលត្រូវបានគេដឹងថាជាគណនី Facebook របស់ វ៉ន វីវ៉ាមួយទៀតបានសរសេរថា ៖«មិនចាំបាច់ប្រកួតទេ ខ្ញុំមិនចង់ប្រកួតជាមួយអ្នកដែលចាញ់ច្រើននោះទេ។ សុំឲ្យអ្នកនិយាយពិតមកបានហើយ បងទុកឲ្យទុកឲ្យអ្នកខ្លាំងនិយាយចុះ បញ្ជាក់មកមើល ថាតើការប្រកួតជាមួយគ្នាម្តងៗនោះ មានដែលប្រើពាក្យទាំងនេះទេ (វ៉ៃល្មមៗ អាពួកម៉ាកដែរឬទេ?) ក្នុងត្រឹមតែទឹក៣ ឬទឹក៤ មុននឹងឆ្លើយ សុំឲ្យអ្នកស្បថផង បើនិយាយមិនពិត សុំឲ្យប្រកួតចាញ់មួយជីវិត។ (A) ខ្ញុំ សេន ប៊ុនថេន ធ្លាប់និយាយមែនពីមុនជាមួយ វីវ៉ា, (B) ខ្ញុំ សេន ប៊ុនថេន មិនយាយទេពីមុនជាមួយ វីវ៉ា។ (អ្នកដែលមិនដឹង សូមកុំឆ្លើយអី) មានរឿងដែលល្អបំផុតមួយទៀតរបស់របស់ឯងផងដែលជាអ្នកចង់បានខ្សែក្រវាត់ពេករូបឯង»។