កាល​ពី​ពេល​ថ្មីៗ​នេះ​ ប្រធានាធិបតី​អាមេរិក​លោក​ Barack Obama ​បាន​ផ្ដល់​នូវ​ពាន "​មេដាយ​​សេរីភាពជាន់​ខ្ពស់"​​ ដល់​ផលិត​ករ​​​ និង​​ជា​តារា​សម្ដែង​ Meryl Streep។

​អ្នក​ដែល​ចូល​រួម​កម្មវិធី​ ដើម្បី​ជួប​ជាមួយ​លោក​ Obama ​ទាំង​អស់​មាន ១៨​ នាក់​រួម​មាន​ តារា​សម្ដែង​ Meryl Streep ​តន្ត្រីករ​ Stevie Wonder ​អ្នក​និពន្ធ​ឈីលី​សញ្ជាតិ​ អាមេរិក Isabel Allende ​​អ្នក​កាសែត​ Tom Brokaw និង​អ្នក​និពន្ធ​ចម្រៀង​ Stephen Sondheim​។ ​ពួក​គេ​ទាំង​អស់​បាន​ទទួល​ពាន​រង្វាន់​ពី​ប្រធានាធិបតី​ ក្នុង​នាម​ជា​ពលរដ្ឋ​មាន​កិត្តិយស​បំផុត​នៅ​សហរដ្ឋអាមេរិក។

​ស្នាម​ញញឹម​ប្រកប​ដោយ​ក្ដី​ស្រលាញ់​របស់​លោក​ Obama បាន​បង្ហាញ​ពី​ការ​កោត​សរសើរ​ទៅ​លើ​​ភាព​លេច​ធ្លោ​ និង​ទេពកោសល្យ​សម្ដែង​ដ៏​ប៉ិនប្រសប់​របស់​ ​Meryl Streep ​ក្នុង​ចំណោម​តារា​សម្ដែង​ច្រើន​រូប​ទៀត។ Streep ​ បាន​និយាយ​ថា​ ​នាង​ធ្លាប់​ទទួល​បាន​ពាន​ Oscars ចំនួន​បី​ដង​រួច​មក​ហើយ។

Meryl Streep ​បាន​ទទួល​ពាន​រង្វាន់​ Oscars កាល​ពី​ឆ្នាំ​ ២០១២ ​ដោយ​កាល​នោះ​នាង​បាន​សម្ដែង​ជា​តួអង្គ​មួយ​ឈ្មោះ​ថា​ Margaret Thatcher ក្នុង​រឿង​ "The Iron Lady"។

​​លើស​ពី​នេះ​ លោក​ Obama ក៏​ផ្ដល់​រង្វាន់​កិត្តិយស​ចំពោះ​ម្ចាស់​បង្កើត​អាល់ប៊ុម​ចម្រៀង​ Motown legend Wonder ដែល​មាន​ចំណង​ជើង​ថា​ "Talking Book"។ ​ប្រធានាធិបតី​អាមេរិក​បាន​និយាយ​ថា​ នេះ​ជា​អាល់ប៊ុម​ចម្រៀងដំបូង​ ដែល​លោក​បាន​ទិញ​មុន​គេបំផុត​​ ហើយ​កាល​នោះ​ លោក​មាន​អាយុ​ប្រហែល​១១​​ឆ្នាំ​ ដោយ​ប្រើ​លុយ​សន្សំ​ផ្ទាល់​ខ្លួន៕

អាន បញ្ជី​ឈ្មោះ​ម្ចាស់​ពាន​រង្វាន់ និង​សកម្មភាព​តារា​​ក្នុង​កម្មវិធី American Music Awards 2014

អាន “Hunger Games” វគ្គ​៣ បញ្ចាំង​តែ​មួយ​សប្ដាហ៍​រក​ចំណូល​កប់​ក្ដោង

​ប្រែ​សម្រួល​៖ សែម សុធារិទ្ធ

​ប្រភព៖ channelnewsasia