ប៊ុត សីហា សុំទោសទស្សនិកជនរឿងពាក់ស្បែកជើងថតជាមួយព្រះសង្ឃ!

2014-11-26 16:01:47
ចំនួនមតិ 0 | ចំនួនចែករំលែក 0

ចន្លោះមិនឃើញ

ជយលាភី The Voice Cambodia ប៊ុត សីហា បានសុំទោសភ្លាមៗដល់ទស្សនិកជន បន្ទាប់ពីមានអ្នករិះគន់តាមបណ្ដាញសង្គម Facebook រឿងពាក់ស្បែកជើងថតជាមួយព្រះសង្ឃ។

វីដេអូឃ្លីប រយៈពេល ២នាទី និង ១៥ វិនាទី បានបង្ហោះលើ Page របស់ខ្លួន លោក ប៊ុត សីហា បានឆ្លើយតបអ្នករិះគន់ថា លោកមិនមែនក្មេងឈ្លើយ ឬអន់ចរិតដូចការលើកឡើងឡើយ។ លោកបានសុំទោសចំពោះទស្សនិកជននូវកំហុសឆ្គងបន្តិចបន្តួចដោយការភ្លេចខ្លួន បានកើតឡើងកាលពីពេលថ្មីៗក្នុងពេលថតរូបពាក់ស្បែកជើងជាមួយព្រះសង្ឃ។

លោកបានបញ្ជាក់ថា៖ "ខ្ញុំគ្មានចេតនាធ្វើបែបនេះទេបងប្អូន។ ពេលខ្ញុំចុះពីលើសាលាឆាន់មកមនុស្សម្នាក់ច្រើនមកចោមរោមសុំថត ហើយខ្ញុំក៏ភ្លេចខ្លួនមួយភ្លែតទៅពេលថតជាមួយព្រះសង្ឃ។ ខ្ញុំពិតជាគ្មានចេតនាមែន ហើយខ្ញុំសុំអធ្យាស្រ័យពីពុកម៉ែបងប្អូន"។

បន្ថែមពីនេះតារាចម្រៀងវ័យក្មេងខាងលើក៏ស្នើសុំដល់ទស្សនិកជន ជាពិសេសបងប្អូនតាមបណ្ដាញសង្គម Facebook ធ្វើការរិះគន់ក្នុងន័យស្ថាបនា កុំរិះគន់បែនបន្តុះបង្អាប់ ឬមួយជាន់ពន្លិចបន្ថែមទៀត។

លោក ប៊ុត សីហា មានប្រភពចេញពីខេត្ត កំពង់ស្ពឺ។ លោកបានក្លាយជាជយលាភី The Voice Cambodia កាលពីពេលថ្មី បន្ទាប់ពីជ្រើសរើសបទចម្រៀង "ស្រលាញ់បងគ្មានអនាគតទេ" របស់ ខេមរៈ សិរីមន្ត យកទៅមកស្រាយ៕

Post by Buth Seyha.

អានអត្ថបទបន្ត៖ លំហែអារម្មណ៍ព្រឹកនេះចម្រៀង ៩បទពី ប៊ុត សីហា មុនចាប់ផ្ដើមការងារ!

អានអត្ថបទបន្ត៖ ប៊ុត សីហា ទម្លាយរឿងក្នុងចិត្តពី Coach ឆន សុវណ្ណរាជ

អានអត្ថបទបន្ត៖ច្រៀងតែបទ ព្រាប សុវត្ថិ-សិរីមន្ត មែនប៉ុន្តែ ប៊ុត សីហា មានតារាក្នុងដួងចិត្តផ្សេងស្មោះ!

អត្ថបទ៖ អ៊ីង សុឡា