ចៃដន្យមែន! កូនភ្លោះមួយគូ ទទួលបានបុត្រក្នុងថ្ងៃតែមួយ
- 2014-11-26 21:51:13
- ចំនួនមតិ 0 | ចំនួនចែករំលែក 0
ចៃដន្យមែន! កូនភ្លោះមួយគូ ទទួលបានបុត្រក្នុងថ្ងៃតែមួយ
ចន្លោះមិនឃើញ
កូនភ្លោះមុខដូចគ្នាដ៏កម្រមួយគូ បានក្លាយជាឪពុកក្នុងថ្ងៃតែមួយ នៅមន្ទីរពេទ្យដូចគ្នា បន្ទប់ដូចគ្នា និងសម្រាលបុត្រដោយឆ្មបតែមួយទៀតផង។
លោក Stunned Jeromme និង លោក Jarrell Spence ដែលជាបងប្អូនភ្លោះវ័យ ២១ឆ្នាំ បានភ្ញាក់ផ្អើលយ៉ាងខ្លាំងនៅពេលគេប្រាប់ថា ប្រពន្ធនឹងប្រសូតបុត្រនៅថ្ងៃទី២៦ ខែវិច្ឆិកា ដូចគ្នា ប៉ុន្តែពួកគេមិនជឿនោះទេ។ ក្រោយមក រឿងនឹកស្មានមិនដល់បានកើតឡើង គឺពួកគេទាំងពីរនាក់ បានក្លាយជាឪពុកត្រឹមតែចន្លោះប៉ុន្មានម៉ោងពីគ្នា នៅមន្ទីរពេទ្យ New Cross Hospital នាទីក្រុង Wolverhampton ប្រទេសអង់គ្លេសកាលពីថ្ងៃច័ន្ទកន្លងទៅ។ រឿងនេះបានកើតឡើងខុសពេល ដែលគេធ្លាប់ប្រាប់តែពីរថ្ងៃប៉ុណ្ណោះ។
ប្រពន្ធរបស់ Jeromme គឺជាអ្នកផ្ដល់កំណើតឲ្យកូនទីមួយ នៅវេលាម៉ោង ២:០៤ យប់ថ្ងៃច័ន្ទ បន្ទាប់មកប្រពន្ធរបស់ Spence ក៏ប្រសូតកូនមកតាមក្រោយនៅម៉ោង ៤:៣៤ ពោលគឺចន្លោះប្រហែល ២ម៉ោងកន្លះពីគ្នា។ កូនទាំងពីរនោះ បានកើតនៅក្នុងមន្ទីរពេទ្យដូចគ្នា បន្ទប់ដូចគ្នា និងបង្កើតដោយឆ្មបតែមួយជាមួយគ្នា។
លោក Jeromme ដែលជាអ្នកធ្វើការនៅហាងលក់សម្ភារៈកីឡា បាននិយាយថា "យើងដឹងថាប្រពន្ធបានផ្ដល់កំណើតឲ្យកូនទាំងពីរក្នុងពេលដូចគ្នា.... តែមិនដែលគិតថាកើតក្នុងថ្ងៃជាមួយគ្នាអីចឹងទេ"។ ចំណែកឯលោក Jarrell ដែលធ្វើការនៅហាងលក់អាហារវិញ បាននិយាយថា "ពិតជាគួរឲ្យភ្ញាក់ផ្អើលណាស់ ដែលពួកយើងបានក្លាយជាឪពុកក្នុងថ្ងៃតែមួយ... វាពិតជារឿងដ៏អស្ចារ្យសម្រាប់អ្នកគ្រប់គ្នា"៕
ចុចអាន៖ ជីវិតថ្លៃមែន! ធ្លាក់ពីលើអគារជាន់ទី ១១ ហើយមិនស្លាប់
ប្រែសម្រួល៖ គង់ វិសាល
ប្រភព៖ mirror