បញ្ញានិម្មិតរៀនឲ្យស៊ីជម្រៅ រៀនធ្វើឲ្យកុំព្យូទ័រមានប្រាជ្ញាគិតដូចមនុស្ស
- 2014-11-27 17:13:46
- ចំនួនមតិ 0 | ចំនួនចែករំលែក 0
បញ្ញានិម្មិតរៀនឲ្យស៊ីជម្រៅ រៀនធ្វើឲ្យកុំព្យូទ័រមានប្រាជ្ញាគិតដូចមនុស្ស
ចន្លោះមិនឃើញ
ទោះបីបញ្ញានិម្មិត (Artificial intelligence) មានការបណ្ដុះបណ្ដាលនៅតាមគ្រឹះស្ថានសិក្សាមួយចំនួននៅប្រទេសកម្ពុជា តែការសិក្សាមិនសូវស៊ីជម្រៅនោះទេ និងគ្រាន់តែជាមុខវិជ្ជាបំពេញបន្ថែមតែប៉ុណ្ណោះ។ យ៉ាងណាមិញ នៅស្រុកថៃជំនាញនេះ គ្រឹះស្ថានសិក្សានានាមានការផ្តោតការយកចិត្តទុកដាក់បណ្ដុះបណ្ដាល និងសិស្សនិស្សិតជាច្រើនក៏ចាប់អារម្មណ៍ចុះឈ្មោះសិក្សា។
អ៊ិត វណ្ណដេត ដែលទទួលបានអាហារូបករណ៍សិក្សាជំនាញបញ្ញានិម្មិត នៅសាកលវិទ្យាល័យមហាសារ៉ាខាមនៅប្រទេសថៃបានឲ្យដឹងថា បញ្ញានិម្មិតជាជំនាញដែលនិស្សិតថៃកំពុងមានការពេញនិយម និងគ្រឹះស្ថានសិក្សានានាក៏មានការផ្តោតការបណ្តុះបណ្តាលខ្លាំង។
បញ្ញានិម្មិតជាការធ្វើឲ្យកុំព្យូទ័រអាចមានសមត្ថភាពគិតបានដូចមនុស្សឬប្រសើរជាងមនុស្ស។ បញ្ញានិម្មិត មិនមែនដើម្បីតែធ្វើឲ្យកុំព្យូទ័រឆ្លាតដោយគ្រាន់តែឲ្យដឹងព័ត៌មានច្រើននោះទេ ប៉ុន្តែអាចបង្ហាញសកម្មភាពឆ្លាតដូចមនុស្សបានដែរ។
វណ្ណដេតថា គ្រឹះស្ថានសិក្សានៅប្រទេសកម្ពុជា ការសិក្សាមិនស៊ីជម្រៅនោះទេ និងគ្រាន់តែជាមុខវិជ្ជាបំពេញបន្ថែមតែប៉ុណ្ណោះ។ ប៉ុន្តែនៅស្រុកថៃជំនាញនេះមានការសិក្សាយកចិត្តទុកដាក់ និងក៏មុខជំនាញស្នូលដែលគ្រឹះស្ថានសិក្សាដាក់ឲ្យនិស្សិតសិក្សា។
“នៅស្រុកយើង បញ្ញានិម្មិតគេរៀនមិនលម្អិតនោះទេ គ្រាន់តែមុខវិជ្ជារៀនបំពេញបន្ថែមតែប៉ុណ្ណោះ។ តែនៅស្រុកថៃជំនាញនេះគេរៀនខ្លាំងមិនចាញ់មុខជំនាញProgramming និង Networking ដែលសិស្សនិស្សិតកម្ពុជាកំពុងពេញនិយមនោះទេ”។
វណ្ណដេតថា ជំនាញបញ្ញានិម្មិតមានលក្ខណៈសិក្សាខុសប្លែកពីមុខជំនាញដទៃទៀត។ ជំនាញនេះបង្រៀនឲ្យកុំព្យូទ័រមានសមត្ថភាពគិតពិចារណានិងសម្រេចចិត្តដោយខ្លួនឯង ដើម្បីអាចដោះស្រាយអ្វីមួយជាក់លាក់។
នៅស្រុកថៃនិស្សិតដែលចូលដល់ឆ្នាំទី ៤ និងសិក្សាជំនាញព័ត៌មានវិទ្យា ត្រូវជ្រើសរើសជំនាញសិក្សា ដោយក្នុងនោះក៏មានជំនាញបញ្ញានិម្មិតនេះដែរ។ យុវជនរូបនេះថា បញ្ញានិម្មិតនៅស្រុកថៃ ទើបតែមានរយៈកាលប៉ុន្មានឆ្នាំចុងក្រោយតែប៉ុណ្ណោះ ប៉ុន្តែបានទទួលការចាប់អារម្មណ៍ខ្លាំងពីសិស្សនិស្សិត។
វណ្ណដេត សង្ឃឹមនិងជឿជាក់ថា នៅថ្ងៃខាងមុខនេះជំនាញបញ្ញានិម្មិតនឹងទទួលបានការចាប់អារម្មណ៍ ពីសិស្សនិស្សិតកម្ពុជា ដោយសារមុខជំនាញនេះផ្តល់សារប្រយោជន៍ច្រើនសម្រាប់បម្រើលើវិស័យបច្ចេកវិទ្យា។ ជាពិសេសតាមគ្រឹះស្ថានសិក្សាមួយចំនួនក៏នឹងបញ្ចូលមុខជំនាញមួយនេះ សម្រាប់និស្សិតជ្រើសរើសសិក្សានោះដែរ។
អាន៖ រកគូព្រេងតាម Facebook ឆុតមិនឆុតសាកសិនបាន
អាន៖ កំពូលស្មាតហ្វូនទាំង ៤ គីឡូធ្ងន់ហ៊ានតតាំង iPhone 6/6Plus
អាន៖ ចំណាយពេលបន្តិចស្វែងយល់ពីក្តារចុចខ្មែរលើ iOS 8
អត្ថបទ៖ ប៊ុណ្ណារ៉ា
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
