បុរស៥ប្រភេទដែលនារីមិនគួរយកជាគូអនាគត

2014-11-28 17:11:49
ចំនួនមតិ 0 | ចំនួនចែករំលែក 0

ចន្លោះមិនឃើញ

មិនមែនឲ្យមានបុរសមកសារភាពស្នេហ៍ នារីសុទ្ធតែអាចទទួលយកការស្រលាញ់ទាំងនោះទេ។ នាងត្រូវការពេលវេលាច្រើនដើម្បីពិនិត្យ និងសម្រេចចិត្តឲ្យបានច្បាស់លាស់ ព្រោះរឿងគូស្រករនារីតែងតែប្រយ័ត្នប្រយែងខ្លាំង ខ្លាចរើសមនុស្សប្រុសខុស។ មានបុរស៥ប្រភេទដែលនារីៗមិនគួរយកជាគូអនាគត៖

១. បុរសដាក់ខ្លួនពេក៖

ការដែលចេះដាក់ខ្លួនគឺជារឿងល្អមួយ តែបើគាត់ជាមនុស្សដែលដាក់ខ្លួនជ្រុលពេកអាចថាក៏មិនល្អដែរ ព្រោះមនុស្សប្រុសកម្របង្ហាញថាខ្លួនអន់ណាស់ ជាពិសេសចំពោះមនុស្សស្រីដែលខ្លួនស្រលាញ់។ អាចនិយាយថាបើគាត់ដាក់ខ្លួនជ្រុលពេក វាអាចបញ្ជាក់ថាគាត់មានចរិតដូចស្រី និងគ្មានទំនុកចិត្តលើខ្លួនឯងទៅវិញ។

២. បុរសអួតជ្រុលពេក៖

នេះរឹតតែគួរឲ្យជៀសវាង ជាងមនុស្សប្រុសដែលចេះដាក់ខ្លួន។ សម្រាប់មនុស្សប្រុសដែលពូកែអួតគឺជាប្រភេទដែលនារីមិនគួរយកខ្លួនបៀត ព្រោះបុរសជំពូកនេះបានត្រឹមតែអួតដើម្បីឲ្យនារីៗឃើញពីភាពអស្ចារ្យរបស់ខ្លួនប៉ុណ្ណោះ ឯការពិតយ៉ាងណានោះ ហេងស៊យគ្មានអ្វីសូម្បីតែមួយចម្រៀកក៏ថាបាន។

៣. បុរសខ្វះទំនួលខុសត្រូវ៖

មិនថាលំបាកយ៉ាងណា បុរសចាំបាច់បំផុតត្រូវតែមានទំនួលខុសត្រូវ។ បើអ្នកបានជួបបុរសដែលមានទំនួលខុសត្រូវ បានន័យថាគេនឹងធ្វើអ្វីគ្រប់យ៉ាងដើម្បីឲ្យអ្នកនឹងគេមានសេចក្ដីសុខ ពោលគឺគេមើលឃើញសុភមង្គលរួម ជាជាងក្ដីសុខរបស់គេផ្ទាល់ខ្លួន។ ផ្ទុយទៅវិញ បើគេជាបុរសដែលគ្មានទំនួលខុសត្រូវវិញ មិត្តនារីនឹងត្រូវជួបបញ្ហាច្រើនដោយសារតែគេនឹងរត់យករួចខ្លួន មិនបាននៅរួមសុខទុក្ខ ឬមើលឃើញពីទុក្ខលំបាករបស់អ្នកឡើយ។

៤. បុរសដែលនិយាយតែពីរឿងលុយ៖

ភាគច្រើនមានតែនារីៗប៉ុណ្ណោះដែលខ្វល់ខ្វាយពីរឿងលុយកាក់ តែបើអ្នកប៉ះបុរសដែលផ្ដោតសំខាន់លើរឿងលុយនោះ អ្នកប្រហែលជាស៊យហើយ។ ម្យ៉ាងទៀតបុរសដែលតែងតែសួរគ្រប់ការចំណាយ ស្ទើរតែគ្រប់សេន ក៏ជាបុរសមិនគួរយកខ្លួនបៀតដែរ ព្រោះបើរស់នៅជាមួយគ្នាក៏គ្មានក្ដីសុខដែរដោយសារតែការដេញដោលហួសហេតុនេះ។

៥. បុរសចូលចិត្តនិយាយពីរឿងផ្លូវភេទ៖

បើគេជាប្រភេទបុរសដែលចូលចិត្តរឿងសិច អ្នកច្បាស់ជារកពេលសម្រាកមិនបានឡើយ។ ក្រៅពីហត់នឿយរឿងការងារក្នុង និងក្រៅផ្ទះហើយ អ្នកនឹងត្រូវចំណាយពេលដែលនៅសល់មកបម្រើការចង់បានផ្នែកផ្លូវភេទរបស់គេទៀត។ បុរសប្រភេទនេះមិនសូវខ្វល់ខ្វាយច្រើនអំពីសុខភាពរបស់អ្នកទេ៕

ចុចអាន៖ ៦យ៉ាង ស្រីៗប្រាថ្នាចង់បានពីមនុស្សប្រុសដែលខ្លួនស្រលាញ់

អត្ថបទ៖ សរ សុគន្ធី