ស្ត្រី៧ប្រភេទដែលធ្វើឲ្យបុរសលង់ស្នេហ៍

2014-12-01 22:26:43
ចំនួនមតិ 0 | ចំនួនចែករំលែក 0

ចន្លោះមិនឃើញ

តើសុភាពនារីទាំងឡាយមានដឹងឬអត់ថាធ្វើបែបណាទើបមានមនុស្សប្រុសធ្លាក់ក្នុងអន្លង់ស្នេហ៍របស់អ្នកបាន? បើយោងតាមអ្នកជំនាញខាងផ្គូផ្គងគូស្នេហ៍អាជីព អ្នកស្រី Samantha Daniels បានឲ្យដឹងថានារី៧ប្រភេទខាងក្រោម ជាប្រភេទនារីដែលធ្វើឲ្យប្រុសៗលង់ស្រលាញ់ដកចេញមិនរួច៖

១. ស្ត្រីដែលមើលទៅពិសេសជាងគេ។ ដើម្បីធ្វើឲ្យពិសេសជាងគេ អ្នកត្រូវធ្វើអ្វីដែលប្លែកពីគេ ខុសពីមនុស្សស្រីដទៃ ដែលជាចំណាប់អារម្មណ៍នៃមនុស្សប្រុសទាំងឡាយ។

២. ស្ត្រីដែលចេះគោរពខ្លួនឯង និងធ្វើខ្លួនឲ្យមានការគោរពពីមនុស្សប្រុស។ បុរសម្នាក់អាចមានអារម្មណ៍ដឹងបានថានារីណាដែលខ្វះការគោរពចំពោះខ្លួនឯង ទោះបីនៅឆ្ងាយពីនារីនោះប៉ុណ្ណាក៏ដោយ។

៣. ស្ត្រីដែលមានការសប្បាយរីករាយជាមួយខ្លួនឯង។ ត្រូវសួរខ្លួនឯងថា ហេតុអ្វីបុរសត្រូវមកស្រលាញ់អ្នក បើអ្នកមិនចេះស្រឡាញ់ខ្លួនអ្នកផង?

៤. ស្ត្រីដែលបុរសគ្រប់រូបមានមោទនភាពក្នុងការណែនាំឲ្យមិត្តភ័ក្ដិ និងគ្រួសារបានស្គាល់។ ជាស្រ្ដីដែលមានចំណេះដឹង ឆ្លាត និយាយឲ្យខ្លីគឺមិនមែនជាស្រ្ដីដែលឆ្មើងឆ្មៃ ឬជាស្រ្ដីចូលចិត្តផឹកគ្រឿងស្រវឹងជាដើមនោះឡើយ។

៥. ស្រ្ដីដែលមិនធ្វើឲ្យជីវិតបុរសកាន់តែពិបាក។ វាមិនមែនជាបញ្ហានោះទេ បើសិនជាស្រ្ដីនោះធ្វើឲ្យបុរសជួបពេលវេលាមួយដ៏ពិបាក ប៉ុន្តែបើធ្វើឲ្យជីវិតបុរសនោះពិបាក ស្រ្ដីនោះប្រហែលជាគ្មានអ្នកណាលង់ស្នេហ៍នោះទេ។

៦. ស្រ្ដីដែលចេះជួយទុក្ខធុរៈ និងមើលថែរក្សា យកចិត្តទុកដាក់។ បុរសគ្រប់រូបចង់នៅជាមួយស្រ្ដីដែលចេះជួយខ្លួនឲ្យឆ្លងផុតទុក្ខលំបាក និងជួយឲ្យខ្លួនមានជីវិតល្អប្រសើរឡើង។

៧. ស្ត្រីដែលនៅតែធ្វើអ្វីដែលគួរឲ្យចាប់អារម្មណ៍។ គ្មាននរណាម្នាក់ចង់រស់នៅជាមួយមនុស្សដែលគួរឲ្យធុញ ឬធ្វើអីដដែលនោះទេ។ ចូរធ្វើខ្លួនអ្នកឲ្យនៅតែជាទីចាប់អារម្មណ៍របស់បុរស។