HandyKey បង្កើតឡើងជាដៃគូសម្រាប់អ្នកប្រើ iPhone 6/6PLus

2014-12-04 16:25:03
ចំនួនមតិ 0 | ចំនួនចែករំលែក 0

ចន្លោះមិនឃើញ

ទោះបីមានភាពមមាញឹក ក្រុម 4KhmeriPhone មិនព្រងើយកន្តើយក្នុងការបន្តអភិវឌ្ឍក្ដារខ្មែរជាបន្តបន្ទាប់។ ថ្មីៗនេះ ក្រុមនេះត្រៀមនឹងបញ្ចេញក្ដារចុចខ្មែរជំនាន់ថ្មីដែលមានលក្ខណៈពិសេស កាន់តែងាយស្រួលសម្រាប់ប្រើនៅលើ iPhone 6 និង iPhone 6Plus។

យោងតាម Page Facebook របស់ 4KhmeriPhone បានហៅក្តារចុចថ្មីនេះថា HandyKey។

តាមការលើកឡើងរបស់ក្រុមនេះនៅលើបណ្តាញសង្គម Facebook បានបញ្ជាក់ថា មូលហេតុដែលក្រុមគេឈានទៅបង្កើតក្តារចុចថ្មីនេះ ដោយសារមើលឃើញ iPhone ជំនាន់ថ្មី ត្រូវបានរចនាឡើងមានរូបរាងធំពិបាកប្រើ ដូច្នេះដើម្បីដោះស្រាយបញ្ហានេះក្រុមគេបានបង្កើតក្តារចុចថ្មី មានលក្ខណៈពិសេសនិងកាន់តែមានភាពងាយស្រួលក្នុងការប្រើប្រាស់។

យ៉ាងណា ក្រុមនេះមិនបានបញ្ជាក់ គម្រោងបង្កើតក្តារចុចខ្មែរថ្មីនេះ គ្រោងដាក់ឲ្យដំណើរការនៅពេលណានោះទេ។

ចុចអាន៖ ពេញចិត្តមួយណារវាងក្ដារចុចខ្មែរលើ Android , Windows Phone, iOS និង Firefox

ចុចអាន៖ ក្តារចុចខ្មែរលើ iOS 8 អាចបន្តយឺតយ៉ាវ ដោយសាររង់ចាំការយល់ព្រមពី Apple

ចុចអាន៖ ស្នាដៃរចនាតួអង្គ Asva The Monkey ឈ្នះពានរង្វាន់នៅប្រទេសជប៉ុន

អត្ថបទ៖ ដារ៉ាឆានី