ទន្ទឹម​ពេល​ដែល​ក្រុមហ៊ុន Smart បាន​សម្ពោធ​ការ​ចេញ​លក់ iPhone 6/6Plus ជា​ផ្លូវការ ក្រុមហ៊ុន​នេះ​ក៏​បាន​ប្រកាស​ពី​គម្រោង iCombo ដែល​អតិថិជន​នឹង​ទទួល​បាន​ទូរសព្ទ iPhone ប្រើ Free Free។

អ្នក​តំណាង​ក្រុមហ៊ុន Smart Axiata បាន​ឲ្យ​ដឹង​ថា អតិថិជន​នឹង​ទទួល​បាន​ទូរសព្ទ iPhone ប្រើ​ដោយ​ឥត​គិត​ថ្លៃ សម្រាប់​ការ​ភ្ជាប់​ប្រើ​គម្រោង​ Postpaid iCombo 88 របស់ Smart។

តាម​រយៈ​ការ​ភ្ជាប់​គម្រោង​នេះ អតិថិជន​មិន​ចាំបាច់​បង់​ប្រាក់​លើ​តម្លៃ​ទូរសព្ទ​ដៃ​ទេ គឺ​ត្រឹមតែ​បង់​ប្រាក់​លើ​គម្រោង​សេវា​ប្រើប្រាស់​ប្រចាំខែ​ចាប់ពី ៨៨ ដុល្លារ​ឡើង​ទៅ នឹង​ទទួល iPhone 6 ប្រើ​ដោយ​ឥត​គិត​ថ្លៃ និង​ទទួល​បាន​អត្ថប្រយោជន៍​ជា​ច្រើន​ទៀត។

សម្រាប់​ការ​ទិញ​សេវា​ប្រើប្រាស់​ប្រចាំ​ខែ​​នេះ​ អតិថិជន​តម្រូវ​ឲ្យ​ទិញ​សេវា​រយះ​ពេល ២៤ ខែ ដែល​មួយ​ខែ​ចំណាយ ៨៨ ដុល្លារ។ សម្រាប់​អត្ថប្រយោជន៍ អតិថិជន​នឹង​ទទួល​បាន​លុយ​ក្នុង​គណនី​ ៣៨ ដុល្លារ នាទី​សម្រាប់​ការ​ហៅ​ក្នុង​ប្រព័ន្ធ ១២០ នាទី​ជា​រៀងរាល់​ថ្ងៃ ការ​ហៅ​ទូរសព្ទ​ក្នុង​ក្រុម​ដោយ​ឥត​គិត​ថ្លៃ ទទួល​បាន​កញ្ចប់​អ៊ីនធឺណិត 10 GB ជា​រៀងរាល់​ខែ ទទួល​ស៊ីម​លេខ​ពិសេស​មួយ និង​អត្ថប្រយោជន៍​ជា​ច្រើន​ទៀត។

បន្ត​អាន៖ Smart ចេញ​មុខ​​​ជម្រះ​ការ​ចោទ​ប្រកាន់​​​នាំ​ iPhone ​ថៃ​មក​លក់​

បន្ត​អាន៖ ការ​ពិតអីចឹង​សោះ​​ ​​បាន​ម៉ូតូ​ជិះ​​ចេះ​តែ​ឆាប់​​អស់​សាំង​!

អត្ថបទ៖ ប៊ុណ្ណារ៉ា