ខេម ចេញបទស្រែកខ្លាំងលើកដំបូងក្រោយប្រឡូកសិល្បៈបាន ៧ ឆ្នាំ (វីដេអូ)
- 2014-12-08 19:35:08
- ចំនួនមតិ 0 | ចំនួនចែករំលែក 0
ខេម ចេញបទស្រែកខ្លាំងលើកដំបូងក្រោយប្រឡូកសិល្បៈបាន ៧ ឆ្នាំ (វីដេអូ)
ចន្លោះមិនឃើញ
ខេម បានចេញបទចម្រៀងស្រែកខ្លាំងលើកដំបូង មិនធ្លាប់មានក្នុងផលិតកម្ម Town ក្រោយប្រឡូកសិល្បៈជិត ៧ឆ្នាំមក។
ចម្រៀងលោកប្រើសំឡេងខ្លាំងលើកដំបូងមានចំណងជើងថា"គេជាតារាល្បី" ត្រៀមនឹងចេញលក់លើទីផ្សារក្នុងពេលឆាប់ៗ។
បទ"គេជាតារាល្បី" របស់ ខេមប្រើសំឡេងខ្លាំងត្រៀមចេញលក់លើទីផ្សារ
តារាចម្រៀងសំឡេងស្អកកំពុងឈានមុខក្នុងផលិតកម្ម Town លោក ខេម និយាយថា៖ "ខ្ញុំមិនធ្លាប់មានចម្រៀងស្រែកដល់ថ្នាក់ហ្នឹងទេតាំងពីចូលសិល្បៈមក។ ជាធម្មតា ចម្រៀងមួយបទខ្ញុំប្រើពេលថតសំឡេង តែ ១៥នាទីប៉ុណ្ណោះ តែនេះជាងមួយម៉ោងហើយនៅតែមិនទាន់រួច"។
ខេម បន្តថា បទចម្រៀងមួយបទខាងលើគឺពិបាកច្រៀង និងធ្វើសំឡេងបំផុត។ លោកមិនបានដឹងពីមូលហេតុនាំឱ្យអ្នកនិពន្ធជ្រើសរើសខ្លួនឱ្យបកស្រាយបទ "គេជាតារាល្បី" នេះឡើយ។
ទោះជាបែបនេះ តារាចម្រៀងមានប្រភពមកពីខេត្តកំពង់ឆ្នាំងខាងអះអាងថា អាចអ្នកនិពន្ធចង់ដឹងពីសំឡេង ក៏ដូចជាសមត្ថភាពរបស់ខ្លួនមានកម្រិតណា។
តារាចម្រៀងប្រចាំផលិតកម្ម Town ខេម បានរំពឹងខ្ពស់ថា បទចម្រៀងដែលលោកប្រើសំឡេងខ្លាំងលើកដំបូងក្នុងអាជីពជាអ្នកសិល្បៈនឹងអាចទាក់ទាញការចាប់អារម្មណ៍ពីទស្សនិកជនបានច្រើនពេលចេញលក់លើទីផ្សារ។
ទន្ទឹមនឹងនេះលោក ក៏ស្នើឱ្យប្រិយមិត្ត និង មិត្តយុវវ័យជួយគាំទ្របទចម្រៀងរបស់ខ្លួន រួមនឹងតារាចម្រៀងផ្សេងទៀតផងដែរ ហើយក្នុងនោះលោកក៏សុំឱ្យទស្សនិកជនរិះគន់ក្នុងន័យស្ថាបនាលើតារាចម្រៀងនិមួយៗ កុំបន្តុះបង្អាប់ជាន់ពន្លិចបន្ថែម។
“ចម្រៀងទីមួយរបស់ខ្ញុំត្រូវប្រើសំឡេងស្រែកខ្លាំង បងប្អូនជួយគាំទ្រផង ហើយបើរិះគន់ គឺធ្វើក្នុងន័យស្ថាបនាបានហើយ កុំធ្វើឱ្យតារាចម្រៀងពួកគាត់បាក់ទឹកចិត្តអី"។ ខេម បន្ថែម។
ខេម គឺជា តារាចម្រៀងកំពុងលេចធ្លោក្នុងផលិតកម្ម Town ធៀបទៅនឹងតារាចម្រៀងផ្សេងៗទៀត។ លោកបានចាប់អាជីពជាអ្នកចម្រៀងក្នុងឆ្នាំ ២០០៧ ក្រោយប្រឡងជាប់កម្មវិធី Boy Band របស់ស្ថានីយទូរទស្សន៍ CTN។ លោកបានហក់ចូលផលិតកម្ម Town ក្នុងឆ្នាំ២០១០ ហើយបានក្លាយជាតារាល្បីឈ្មោះមកទល់នឹងបច្ចុប្បន្ន ដោយសារតែសំឡេងស្អកប្លែកពីគេ៕
អានអត្ថបទបន្ត៖ ខេម ពីអ្នករត់ម៉ូតូឌុបមកជាតារាចម្រៀងលំដាប់ជួរមុខនាពេលបច្ចុប្បន្ន
អានអត្ថបទបន្ត៖ មានដើមទ្រូងធំពេក តារាសម្ដែង Katie Price ក៏សម្រេចចិត្តវះកាត់ទំហំឲ្យតូច
អានអត្ថបទបន្ត៖ ខាត់ សុឃីម ឲ្យបេក្ខជនម្នាក់ឱបជំនួសម្ដាយ ធ្វើឲ្យទស្សនិកជនស្រក់ទឹកភ្នែក!
http://youtu.be/ZWMZ6w-ybis
អត្ថបទ៖ អ៊ីង សុឡា