Jack Whitehall គ្រងតំណែងស្ដេចកំប្លែងលេខ១ក្នុងកម្មវិធី British Comedy Awards

2014-12-17 18:46:33
ចំនួនមតិ 0 | ចំនួនចែករំលែក 0

ចន្លោះមិនឃើញ

លោក Jack Whitehall បានឈ្នះពាន់រង្វាន់ ជាតារាកំប្លែងល្អដាច់គេ ក្នុងកម្មវិធី British Comedy Awards នៅអង់គ្លេសកាលពីពេលថ្មីៗនេះ។

Jack Whitehall

Jack Whitehall បានក្លាយជាជើងឯកលេខ ១ ប្រចាំប្រទេសអង់គ្លេសក្នុងចំណោមតារាកំប្លែងជាច្រើនរូបផ្សេងទៀត។ លោកអាចគ្រងតំណែងជាស្ដេចកំប្លែងក្នុងរដូវកាលទី៣ នៃកម្មវិធីប្រចាំឆ្នាំ British Comedy Awards ដែលធ្វើឡើងកាលពីយប់ថ្ងៃអង្គារ។ ក្នុងចំណោមអ្នកចូលរួមប្រកួតទាំងអស់ ដែលមានដូចជា David Mitchell, Lee Mack, Graham Norton, Greg Davies និងតារាកំប្លែងស្រីដ៏ឆ្នើម Jo Brand, Jack Whitehall ក្លាយជាបេក្ខភាពនាំមុខគេ តាមរយៈការបោះឆ្នោតពីគណៈកម្មការ ព្រមទាំងទទួលបានសំឡេងគាំទ្រពីទស្សនិកជន។

ជាងនេះទៀត Jack បានបង្ហាញពីអារម្មណ៍ដ៏រំភើប និងថ្លែងអំណរគុណយ៉ាងជ្រាលជ្រៅចំពោះការបោះឆ្នោតពីទស្សនិកជនឲ្យរូបលោកទទួលបានជយលាភីក្នុងកម្មវិធីនេះ។ លោកក៏បានលើកទឹកចិត្តដល់អ្នកណា ដែលគិតថាខ្លួនមានសមត្ថភាពខាងកំប្លែង កុំបោះបង់ឱកាសពិសេសៗ សម្រាប់ការប្រកួតលើឆាក។ ក្រៅពី Jack Whitehall ដែលជាប់ចំណាត់ថ្នាក់លេខ ១ គឺមាន Graham Norton និង Harry Enfield ដែលទទួលបានរង្វាន់ជាជយលាភីបន្ទាប់។

http://youtu.be/i21y5eKmTJI

តារាកំប្លែងជនជាតិអង់គ្លេស Jack Whitehall បានចាប់ផ្ដើមប្រឡូកក្នុងពិភពសិល្បៈជាតារាកំប្លែង ពិធីករក្នុងកម្មវិធីទូរទស្សន៍ និងតារាភាពយន្តចាប់តាំងពីឆ្នាំ ២០០៦ មក៕