Justin Timberlake និង Jessica Biel មានកូនជាមួយគ្នា?

2014-12-17 23:52:42
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាចម្រៀងមានកេរ្តិ៍ឈ្មោះល្បីនៅអាមេរិក Justin Timberlake និង ភរិយា Jessica Biel ចង់បានកូនដំបូងជាមួយគ្នាហើយ។ នេះបើយោងតាមសម្រង់សំដីពីអតីតមិត្តរួមក្រុមតន្ត្រីម្នាក់ឈ្មោះ Joey Fatone។

ដំណឹងចចាមអារ៉ាមពាក់ព័ន្ធគូស្នេហ៍ដ៏រីករាយទាំងពីរនាក់ បានលេចឮមួយរយៈពេលចុងក្រោយនេះ ធ្វើឲ្យទស្សនិកជនមានការងឿងឆ្ងល់ជាច្រើន។ Justin និងភរិយា ក៏នៅតែបិទបាំងរឿងមានផ្ទៃពោះជាមួយគ្នា ដោយមិនអើពើចំពោះព័ត៌មាននេះដែរ។ តារាសម្ដែងក្នុងរឿង "7th Heaven” Jessica ចាប់ផ្ដើមមានសាច់មានឈាមឡើងគីឡូគួរឲ្យកត់សម្គាល់តាំងពីខែតុលាមុននេះ។

ចំណែកលោក Ariel Foxmon ដែលជានិពន្ធនាយកទស្សនាវដ្ដីម៉ូដ InStyle ក៏អបអរសាទរចំពោះការមានកូនរបស់ Jessica ដែរ បើវាក្លាយជាការពិតមែននោះ។ ទោះជាយ៉ាងណាភរិយារបស់ Justin Timberlake នៅតែមិនទាន់បានប្រាប់ការពិតដល់អ្នកនៅជុំវិញថា នាងមានទម្ងន់ ឬអត់ជាផ្លូវការនៅឡើយ ហើយគេសង្កេតឃើញថា Jessica ចូលចិត្តស្លៀករ៉ូបប៉ោងធំៗ ពេលចូលរួមកម្មវិធីរាល់លើក។

ប្ដីប្រពន្ធមួយគូនេះចាប់ផ្ដើមចងសម្ព័ន្ធមេត្រីជាមួយគ្នា កាលពីឆ្នាំ ២០១២ នៅប្រទេសអ៊ីតាលី ហើយពួកគេទាំងពីរនាក់ក៏ធ្លាប់អះអាងថា ចង់បានកូនជាមួយគ្នានៅពេលសមរម្យណាមួយ។ ប៉ុន្តែត្រូវរង់ចាំរហូតដល់ Justin Timberlake បញ្ចប់កម្មវិធីតន្ត្រីទស្សនាចរពិភពលោក "20/20 Experience World Tour” ដែលធ្វើឡើងតាំងពីឆ្នាំ ២០១៣ ហើយនឹងបញ្ចប់នៅឆ្នាំ ២០១៥ ខាងមុខជាមុនសិន៕