ល្បីថា Jessica កំពុងរស់នៅហុងកុងជាមួយសង្សារជាបុរសអ្នកមាន

2014-12-20 17:04:05
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាចម្រៀងកូរ៉េ Jessica និងបុរសអ្នកមាន Tyler Kwon ដែលគេតែងសង្ស័យថាជាមិត្តប្រុសលួចលាក់របស់នាង បានក្លាយជាប្រធានបទក្ដៅម្ដងទៀត បន្ទាប់ពីសារព័ត៌មានហុងកុងបានចុះផ្សាយថា អ្នកទាំងពីរកំពុងតែរស់នៅជាមួយគ្នានៅទីក្រុងហុងកុង។ ពាក្យចចាមអារ៉ាមនេះបានល្បីម្ដងទៀត រួមជាមួយរូបថតថ្មីៗដែលពួកគេបណ្ដើរគ្នាក្នុងហាងលក់សំលៀកបំពាក់ក្មេង។

កាលពីថ្ងៃទី១៨ ខែធ្នូ សារព័ត៌មានហុងកុង HK Channel បានបង្ហាញរូបភាពដែលពួកគេបានថតកាលពីថ្ងៃទី១១ ធ្នូ អំពីសកម្មភាពអ្នកទាំងពីរកំពុងដើរទិញសំលៀកបំពាក់ក្មេងនៅហាងមួយ ក្នុងទីក្រុងហុងកុង។ របាយការណ៍មួយនេះបាននិយាយថា បន្ទាប់ពីចាកចេញពីក្រុម Girls' Generation តារាចម្រៀង Jessica បានចាប់ផ្ដើមរស់នៅទីក្រុងហុងកុង និងបានផ្លាស់ទៅរស់នៅ Apartment របស់មិត្តប្រុស Tyler Kwon នៅផ្លូវ Seymour។ ប្រភពមួយនេះបានបង្ហាញទៀតថា ពួកគេបានឃើញ Jessica នៅហុងកុងចំនួន ៦ខែហើយ។

តារាវ័យ២៥ឆ្នាំ Jessica ត្រូវផលិតកម្មដកចេញពីក្រុម Girls' Generation កាលពីចុងខែកញ្ញា ដោយសម្អាងលើហេតុផលថានាងមមាញឹកនឹងមុខជំនួញផ្ទាល់ខ្លួនខ្លាំងពេក ខណៈដែលមានពាក្យចចាមអារ៉ាមមួយចំនួននិយាយថា គឺដោយសារនាងចង់រៀបការជាមួយមិត្តប្រុសTyler Kwon។ ប៉ុន្តែJessica ធ្លាប់បានចេញមុខបដិសេធថា ពាក្យចចាមអារ៉ាមថានាងរៀបការស្ងាត់ៗនោះមិនមែនជាការពិតឡើយ ៕

អានអត្ថបទ៖Jessica លេចមុខជាមួយកំពូលតារាចិន និងហូលីវូដ ក្រោយចេញពី SNSD