Sony គំរាមប្ដឹង Twitter រឿងលាតត្រដាងទិន្នន័យដែល Hacker បានលួច
- 2014-12-23 18:00:21
- ចំនួនមតិ 0 | ចំនួនចែករំលែក 0
Sony គំរាមប្ដឹង Twitter រឿងលាតត្រដាងទិន្នន័យដែល Hacker បានលួច
ចន្លោះមិនឃើញ
Sony Pictures Entertainment Inc. (SPE) បានព្រមានក្រុមហ៊ុន Twitter ដោយសារតែមានអ្នកលេង Twitter ខ្លះបានទម្លាយទិន្នន័យរបស់ក្រុមហ៊ុន Sony ដែលត្រូវបានវាយប្រហារកាលពីពេលថ្មីៗនេះ។
មេធាវីការពារក្ដីរបស់ Sony មួយរូបឈ្មោះ David Boies បានផ្ញើលិខិតមួយច្បាប់ទៅដល់ក្រុមប្រឹក្សាទូទៅរបស់ Twitter ដោយថាខាង Sony នឹងបង្ខំឲ្យ Twitter ទទួលខុសត្រូវចំពោះការបាចសាចទិន្នន័យ (របស់ Sony) ដែលបានវាយប្រហារ (កាលពីដើមខែនេះ) តាមរយៈអ្នកលេង Twitter មួយរូប ។
លិខិតដែល Sony ផ្ញើទៅកាន់ក្រុមហ៊ុន Twitter
អ្នកលេង Twitter មួយរូបដែលបានលាតត្រដាងទិន្នន័យនិងជាមនុស្សម្នាក់ដែល Sony កំពុងតែព្រួយបារម្ភជាខ្លាំងនោះមានឈ្មោះ Val Broeksmit (ឈ្មោះក្នុងគណនី Twitter)។ បុរសជាតន្ត្រីករម្នាក់នេះបានបង្ហោះរូបភាព (ជា Screenshot) ទាក់ទងទៅនឹងទិន្នន័យរបស់ក្រុមហ៊ុន Sony ដែលត្រូវ Hacker វាយប្រហារយ៉ាងដំណំ។ បច្ចុប្បន្នក្រុមហ៊ុន Sony កំពុងតែទាក់ទងបុរសរូបនេះពីរឿងការធ្វើឲ្យបែកខ្ញែកទិន្នន័យទាំងអស់នោះ។
ទិន្នន័យដែលអ្នកលេង Twitter ខាងលើបានបង្ហោះ
**ក្រុមហ៊ុនផលិតភាពយន្តមួយនេះ (Sony) ត្រូវបាន Hacker មួយក្រុមឈ្មោះ Guardians of Peace វាយប្រហារកាលពីដើមខែធ្នូនេះ ដែលក្នុងនោះមានភាពយន្តជាច្រើន (ភាពយន្តដែល Sony កំពុងនិងត្រៀមដាក់បញ្ចាំង) ត្រូវបានលួចយក ហើយដាក់ឲ្យដោនឡូតហ្រ្វីយ៉ាងព្រោងព្រាតពេញអ៊ីនធឺណិត។ ការវាយប្រហារនេះក៏ធ្វើឲ្យប្រធានាធិបតីអាមេរិក Barack Obama ប្រតិកម្មយ៉ាងខ្លាំង ហើយថានេះជាស្នាដៃរបស់ប្រទេសកុម្មុយនិស្តកូរ៉េខាងជើង (សំដៅទៅលើមេដឹកនាំកូរ៉េខាងជើង លោក Kim Jong-un) ។
បើតាមភ្នាក់ងារ FBI បានឲ្យដឹងថា Guardians of Peace (ដែលជឿថាមានដើមកំណើតពីកូរ៉េខាងជើង) បានបញ្ចេញសារជាច្រើនគំរាម និងទាមទារឲ្យ Sony លុបចោលគម្រោងបញ្ចេញភាពយន្ត The Interview ដែលជាភាពយន្តកំប្លែងអំពី "ការលួចធ្វើឃាតមេដឹកនាំផ្ដាច់ការKim Jong-un”។ អាន៖ បែកធ្លាយភាពយន្តល្បីៗទាញយកសេរីលើអនឡាញ ក្រោយការវាយប្រហារ
ប្រែសម្រួល៖ ប៉ែត ផាន់និត ប្រភព៖ businessinsider, motherboard, twitter