Jay Chou តមរួមភេទ២ឆ្នាំ រៀបការហើយចង់យកកូន៥នាក់

2014-12-27 17:12:44
ចំនួនមតិ 0 | ចំនួនចែករំលែក 0

ចន្លោះមិនឃើញ

បន្ទាប់ពីប្រកាសជាសាធារណៈថា ខ្លួននឹងរៀបការជាមួយតារាបង្ហាញម៉ូដវ័យ២១ឆ្នាំ Hannah Quinlivan តារាចម្រៀង Jay Chou បានឱ្យដឹងទៀតថា លោកចង់មានកូន៥នាក់ ក្រោយពីខានរួមភេទអស់២ឆ្នាំមកហើយនោះ។

មកត្រឹមពេលនេះម្ចាស់បទ “What Kind of Man” Jay បានបួសជាអ្នកកាន់សាសនាគ្រិស្ដ អស់រយៈពេល២ឆ្នាំហើយ ដោយត្រូវតមរួមភេទ។ ពាក់ព័ន្ធនឹងរឿងនេះ Quinlivan ដែលជាគូដណ្ដឹងប្រាប់ថា នាងនឹងរក្សាសេចក្ដីបរិសុទ្ធទាំងកាយចិត្ត រហូតដល់ថ្ងៃរៀបការរបស់ពួកគេមកដល់។

ក្រោយ Quinlivan និយាយយ៉ាងដូច្នេះ នៅក្នុងសន្និសីទកាសែតនៃពីបទចម្រៀង "Aiyo, Not Bad" កាលពីថ្ងៃទី២៣ ខែធ្នូ ឆ្នាំ២០១៤ លោក Jay ត្រូវអ្នកកាសែតសួរថា "តើអ្វីដែលគូដណ្ដឹងលោកនិយាយពិតដែរ ឬទេ?”។ តារាតៃវ៉ាន់រូបនេះថ្លែងថា "ត្រឹមត្រូវហើយ! យើងត្រូវតែរៀនតាម Will Liu។ ព្រោះតែសាសនា លោកបានតមរួមភេទ៤ឆ្នាំ"។

តារាវ័យ៣៥ឆ្នាំបានចែករំលែកថា លោកចូលចិត្តក្មេងៗ ហើយបន្ទាប់ពីរៀបការលោកចង់បានកូន៥នាក់។ "ខ្ញុំជាកូនប្រុសតែម្នាក់គត់។ ខ្ញុំមានអារម្មណ៍ថាឯកោនៅថ្ងៃបុណ្យណូអែល។ ខ្ញុំចង់បានកូន៥នាក់ បង្កើតជាក្រុមមួយនាពេលអនាគត ហើយថ្ងៃបុណ្យណូអែលលើកក្រោយ ពិតជាសប្បាយរីករាយ"។

Jay នឹងរៀបការជាមួយគូដណ្ដឹងនៅថ្ងៃទី១៨ ខែមករា ឆ្នាំ២០១៥ខាងមុខ ដូច្នេះសម្រាប់ប្រិយមិត្ត ដែលគាំទ្រតារារូប សូមកុំភ្លេចជួយអបអរពួកគេផងណា៕

តារាចម្រៀង Jay Chou នឹងចូលរោងការលឿនជាងអ្នកគិតទៀត!

Jay Chou ចេញបទថ្មី មនោសញ្ចេតនាកម្សត់ជ្រៅដល់បេះដូង

ប្រែសម្រួល៖ អ៊ុំ សុភក្តិ ប្រភព៖ Asianpopnews