តារាតៃវ៉ាន់ Vanness Wu និងភរិយាផ្ទុះសង្គ្រាមសម្ដីបែកផ្សែងលើ Instagram
- 2015-01-02 18:55:00
- ចំនួនមតិ 0 | ចំនួនចែករំលែក 0
តារាតៃវ៉ាន់ Vanness Wu និងភរិយាផ្ទុះសង្គ្រាមសម្ដីបែកផ្សែងលើ Instagram
ចន្លោះមិនឃើញ
ថ្មីៗនេះមានពាក្យចចាមអារ៉ាមជាច្រើនលេចឡើងថា តារាសម្ដែង និងចម្រៀងល្បីតៃវ៉ាន់ Vanness Wu កំពុងមានជម្លោះយ៉ាងក្ដៅគគុកជាមួយភរិយា Arissa Cheo ដែលចុងក្រោយនេះអ្នកទាំងពីរបានបញ្ចេញកំហឹងដាក់គ្នាលើបណ្ដាញ Instagram ទៀតផង។
អំឡុងពេលចុងឆ្នាំ២០១៤ Arissa បានសរសេរលើ Instagram ថា "ខ្ញុំនឹងសងអ្នកគ្រប់យ៉ាង ដូចជាអ្វីដែលអ្នកបានធ្វើដាក់ខ្ញុំដែរ" រួមជាមួយពាក្យថា "Merry fxxkin Christmas”។ ភ្លាមនោះអ្នកគាំទ្រម្នាក់បានបញ្ចេញយោបល់ថា "អ្នកមិនគួរប្រើពាក្យសម្ដីបែបនេះដាក់ប្ដីរបស់អ្នកឡើយ។ អ្នកប្រមាថភាពស្មោះត្រង់របស់គាត់ពេកហើយ"។
ពាក្យសម្ដីនេះធ្វើឲ្យ Arissa ក្ដៅចិត្តនិងឆ្លើយតបវិញថា "ភាពស្មោះត្រង់អីទៅ? ភាពស្មោះត្រង់ក្លែងក្លាយប៉ុណ្ណោះ កុំជឿអ្វីដែលគេនិយាយ។ ភ្ញាក់ខ្លួនឡើង"។ នាងបានសរសេរបន្តទៀតថា "អ្វីដែលអ្នកធ្លាប់ឃើញតាមទូរទស្សន៍មិនមែនជាការពិតឡើយ។ អ្នកមិនចាំបាច់ប្រាប់ខ្ញុំពីអ្វីដែលខ្ញុំដឹងរួចហើយទេ"។
Vanness បានសរសេរតបទៅភរិយាថា "ប្រយ័ត្នសម្ដីរបស់អ្នកផង"។ ប៉ុន្តែក្រោយមក ទំនងជាមិនចង់ឲ្យជម្លោះនេះកាន់តែរីកធំ អ្នកទាំងពីរក៏បានលុបពាក្យសម្ដីទាំងនោះចោល។ នៅពេលជួបអ្នកសារព័ត៌មាន នៅប្រលានយន្តហោះកាលពីប៉ុន្មានថ្ងៃមុន តារាសម្ដែងវ័យ ៣៦ឆ្នាំ Vanness ក៏មិនបានឆ្លើយបកស្រាយពីបញ្ហាក្នុងគ្រួសាររបស់គេដែរ។ តារាសម្ដែងតៃវ៉ាន់ Vanness Wu អតីតសមាជិកក្រុម F4 បានរៀបការជាមួយភរិយា Arissa Cheo ជាកូនស្រីក្នុងគ្រួសារសែស្រឡាយចិន និងឥណ្ឌូណេស៊ី ដែលមានមុខជំនួញប្រេងកាតរាប់ពាន់លានដុល្លារ កាលពីថ្ងៃទី១៥ ខែវិច្ឆិកា ឆ្នាំ២០១៣ បន្ទាប់ពីតស៊ូស្រឡាញ់គ្នាជាច្រើនឆ្នាំ ប៉ុន្តែមិនធ្លាប់មានព័ត៌មានឈ្លោះគ្នាដូចលើកនេះឡើយ ៕
ចុចអាន៖តារាចិនល្បីៗ ៦រូប ដែលមានប្រពន្ធជាកំពូលអ្នកមាន
ប្រែសម្រួល៖ វ៉ាន់ថន ប្រភព៖ lollipop ,asianpopnews